Excel keste processorı hám elektron hújjetler menen islew texnologiyası. Joba

Microsoft Excel programmasında formula hám gistogrammalar. Arifmetik ámeller menen islew.
Excel programmasında arifmetikalıq ámeller menen islew hár bir yacheykaǵa ámeldi orınlaw formulasın kirgiziw arqalı ámelge asırıladı. Mısalı S3 yacheykada turǵan jaǵdayda formulanı tómendegishe jazamız :
= 5 + 4 + 7 - 6 - 2 hám “Enter” túymesin basamız. Nátiyje bolsa 8 shıǵadı. Bul jaǵdayda EXCEL programması ápiwayı kalkulyator wazıypasın atqaradı. Endi S5 yacheykaga kóbeytiw (*) hám bóliw (/) ámellerin qollanǵan jaǵdayda jetilisken formula jazıp kóremiz.
= (5 + 7) / 2 - (4 - 2) * 2 hám “Enter” túymesin basamız. Nátiyje S5 yacheykanıń ózinde 2 shıǵadı. Qullası Excel programmasında arifmetikalıq ámeller menen islew processinde qálegen yacheykaǵa birinshi bolıp “=” teńlik belgisi kiritiledi, dawamınan arifmetikalıq kóp aǵzalılar kiritilip keyin “Enter” túymesi basıladı. Basqa jaǵdaylarda arifmetikalıq ámellerdi yacheykaǵa kiritilgen san bahaları ústinde orınlaw múmkin. Mısalı, 29 - súwrettegi keste ushın arifmetikalıq ámellerdi atqarıp kóremiz. Kesteden “Xojalıqlar jumısshılar sanı” baǵanasın yacheyka bahaların jıyındısın esaplaymız. Onıń ushın D9 yacheykaǵa kursordı alıp baramız keyin “=” teńlik belgisin kiritip, san bahaların kiritemiz. San bahaların kirgiziw 2 qıylı usılda ámelge asırıladı.
Ápiwayı usıl arqalı = 5 + 4 + 6 + 3 + 4 + 5;
Yacheyka adreslerin kirgiziw arqalı = D4 + D5 + D6 + D7 + D8 + D9;
Yacheyka adreslerin kirgiziwde teńlik “=” belgisinen keyin uyqas san ma`nisi turǵan yacheyka ústine barıp tıshqanshanıń shep túymesin bir ret basamız. Sol yacheykanıń adresi teńlikten keyin payda boladı, keyin “+” belgisi kiritilip uyqas yacheykalar adresi joqarıda aytılǵan sıyaqlı kiritilip barıladı hám aqırında “Enter” túymesi basıladı. Endi qalǵan baǵanalar jıyındısın avtomatikalıq esaplaw múmkin. Onıń ushın tómendegi izbe - izlikti atqaramız. “Xojalıqtaǵı jumısshılar sanı” baǵana jıyındısı shıqqan yacheykaga kursordı alıp baramız. Yacheykanıń shep tómengi bóleginde jaylasqan basqarıwshı “tórtmúyesh” túymeshe ústine barıp tıshqanshanıń shep túymesin basamız. Tıshqanshanıń shep túymesi basıp turǵan jaǵdayda kursordı qatar boylap ońǵa háreketlentiremiz.

90 – súwret. Avtomatikalıq esaplaw

Microsoft Excel programması hár qıylı esap - kitaplardı avtomatikalıq jaǵdayda ámelge asıradı. Onıń ushın standart bolǵan formulalardan paydalanıladı. Microsoft Excel programmasındaǵı standart formulalar “Формулы” menyusında jaylasqan (91-súwret). Bul menyu ózine júdá kóp formulalardı qamtıp alǵan bolıp, tómende olardan geyparaları keltirilgen.

Avtosummalar - Автосумма (Сумма, Среднее, Число... );
Logikalıq formulalar - Логические (Если, Или, И.... )
Tekstli - Текстовее (Заменить, Значен, Найти.... )
Finanslıq - Финансовее (Доход, Ставка …)
Matematikalıq - Математические (Корень, Cos, Sin, Exp ….) hám basqalar.

91–súwret. “Формулы” menyusı úskeneler paneli