Excel keste processorı hám elektron hújjetler menen islew texnologiyası. Joba

Úskeneler paneli menen tanısıw. Yacheykalarǵa maǵlıwmat kirgiziw hám qayta islew
Microsoft Excel 2010 programması tómendegi menyulardan ibarat:
Файл, Главная, Вставка, Разметка страници, Формуле, Данние, Рецензирование, Вид.
Главная menyusı menen islew
Главная (bas) menyusı - bul Excel programması ushın bólekan tiykarǵı menyu esaplanıp, bunda yacheykalar formatı yaǵnıy shrift ólshemleri, reńi, Стили, jaylasqan ornı, kiritilgen tekst qaysı formatqa tiyisliligi, filtrlew hám t.b.lar ámelge asırıladı. Excel programması Главная menyusı tómendegi bólimlerden ibarat:
• Buferli almastırıw (Буфер обмена);
• Shrift;
• Tegislew (Виравнивание);
• San formatı (Число);
• Stil (Стили);
• Yacheykalar (Ячейки);
• Redaktorlaw (Редактирование).
Microsoft Excel programmasında “Buferli almastırıw” Microsoft Word programmasındaǵı sıyaqlı birdey isletiledi (56 - súwret).

56 – súwret.Microsoft Excel дастурида“Buferli almastırıw” menyusı

Shrift - bólimi yacheykaǵa kiritilgen tekst formatın ózgertiw ushın hám yacheykalarǵa shegara beriw ushın isletiledi (57- súwret).

57- súwret. Shrift bólimi menyusı

Yacheyka túsinigi hám ol menen islew
Microsoft Excel yacheykası quramalı strukturalıq dúziliske iye. Microsoft Exceldiń yacheyka modeli bes dárejeli strukturalıq dúziliske bólinedi.
Yacheyka modeliniń birinshi dárejeli quramı - yacheykalarda maǵlıwmatlardı ańlatıwdan ibarat boladı. Bul dárejede paydalanıwshı monitor ekranında sanlar, tekst yamasa basqa obiektlerdi kóredi.
Yacheyka modeliniń ekinshi dárejeli quramı - yacheykadaǵı maǵlıwmatlardıń formatınan ibarat. Bul dárejede yacheykalardıń formatlastırıw parametrleri saqlanadı. Yacheykadaǵı maǵlıwmatlardı ózgertpesten turıp, formatlaw parametrleri (yacheyka fonınıń reńi, shrifttiń tipi hám ólshemi) ózgertilse yacheykanıń ekranda saqlanatuǵın súwretleri ózgeredi.
Yacheyka modeliniń úshinshi dárejeli quramı - formula esaplanadı. Sonday eken, yacheykalardıń úshinshi dárejesinde formulalar saqlanadı. Yacheykalarda formulalardıń bolıwı, onı ámeldegi jumıs betindegi basqa yacheykalardaǵı maǵlıwmatlarǵa, yamasa basqa betlerge tiyisli yacheykalarǵa baylanıslılıǵın keltirip shıǵaradı.
Yacheyka modeliniń tórtinshi dárejeli quramı - yacheykalarǵa at beriliwin ańlatadı.
Yacheyka modeliniń besinshi dárejeli quramı - yacheykalarǵa túsindirme kórsetpeler beriliwin ańlatadı. Yacheykalarǵa berilgen túsindirme - kórsetpeler, yacheykadaǵı maǵlıwmatlarǵa tikkeley baylanısı joq bolıp, ol paydalanıwshıǵa kerek bolǵan informaciyalardı kirgiziw ushın beriledi.
Microsoft Excel programmasında tekst kirgiziw hár bir yacheykada bólek atqarıladı. Onıń ushın qálegen yacheyka baǵanae tıshqansha kursorın alıp barıp shep túymesheni bir ret basamız. Sonda yacheyka belgilenedi hám programma sol yacheyka menen isleydi.

58-súwret. Ámeldegi yacheyka.
Tekst kirgiziwde belgilengen yacheyka baǵanae eki ret basıladı hám kursor payda bolǵan orınnan tekst kiritiledi yamasa ramka turǵan jaǵdayda da tuwrıdan-tuwrı kirgiziw múmkin.

59 -súwret. Ámeldegi yacheykaǵa maǵlıwmat kirgiziw.

Tekst kiritilgennen keyin náwbettegi yacheykaǵa ótiw ushın “Tab” túymesi basıladı yamasa tekst kiritip bolǵandan keyin “Enter” túymesi basıladı hám yacheyka baǵanade payda bolǵan ramkanı klaviaturadaǵı strelkalar menen háreketlentiriw múmkin.

Yacheykanıń ólshemin ózgertiw múmkin. Onıń ushın baǵana yamasa qatar shegarasına tıshqansha kursorın alıp baramız hám tıshqanshanıń shep túymesin basıp turǵan jaǵdayda yacheyka ólshemin baǵana yamasa qatar boyınsha ózgertemiz (60 - súwret).