Excel keste processorı hám elektron hújjetler menen islew texnologiyası. Joba

Qadaǵalaw ushın blits sorawlar
1. Fayl menyusında tiykarınan qanday komandalar jaylasqan?
2. Границе и заливка komandası qaysı menyuda jaylasqan?
3. Hújjetke keste qaysı menyu arqalı qoyıladı?
4. Автозамена komandası arqalı qanday jumıs ámelge asırıladı?
5. Tártiplengen kesteni sortirovka qılıw qaysı menyu arqalı ámelge asırıladı?
6. Правка menyusına táriyp beriń.
7. Hújjette kolontitul qalay qoyıladı?
8. Печатъ komandasına táriyp beriń.

Tema : Excel keste prosessori hám elektron hújjetler menen islew texnologiyası
Joba :
• MS Excel programmasın jumısqa túsiriw.
• Qatar yamasa baǵanalardıń keńligin ózgertiw.
• Yacheykalardi belgilew.
• Ámeldegi yamasa belgilengen yacheykatiń formatın ózgertiw.
• MS Excel programmasında formulalar jazıw.
• MS Excel programmasınıń standart funkciyalaridan paydalanıw.
• MS Excel programmasında ob'ektlerdi jaylastırıw.
• Bet túsinigi.
• Diagrammalar jaratıw. Makroslar -islerdi avtomatlastırıw quralı retinde
MS Excel - keste redaktorınıń jumısshı stolı
Kesteler redaktorı MS Excel WINDOWS OS da islew ushın jaratılǵan. Onı jumısqa túsiriw ushın biz Пуск menyusına kirip все программи bólimin tańlaymız hám sol bólimde MS Office qa kirip MS Excel programmasın jumısqa túsiremiz, yamasa C: disktaǵı Programm Files ishindegi MS Office papka ishindegi Excel .exe fayldı jumısqa túsiremiz. Nátiyjede programma jumısqa túsedi. Programma jumısqa túskennen keyin siz ekranda onıń aynasın kóresiz. Aynanıń tiykarǵı bólimleri bul atamalar qatarı, menyu qatarı, járdemshi túymeler qatarı, formulalar qatarı, jumıs stolı hám maǵlıwmatlar qatarı

Atamalar qatarında aktiv bolǵan kesteniń atı jazıladı, eger aktiv keste jańa jaratılǵan bolsa onda onıń atı КНИГА 1 kórinisinde boladı.


Saylanǵan yacheyka tómendegi kóriniste boladı:
Kursor 3 qıylı bolıwı múmkin:
• Aq reńli úlken plyus - yacheyka tańlaw ushın. Yacheykaǵa tıshqanshanı alıp kelgenimizde payda boladı;
• Strelka - yacheyka yamasa obiektlerdi tańlap basqa orınǵa kóshirip alıw ushın. Yacheyka astındaǵı shegarasına yamasa obiekttiń baǵanae tıshqanshanı alıp kelgenimizde payda boladı;
• Qara reńli kishkene plyus - yacheyka ishindegi maǵlıwmatlarǵa uqsas maǵlıwmatlar menen basqa janındaǵı yacheykalardı avtotoltırıw. Yacheykanıń tómengi oń táreptegi múyeshinde jaylasqan noqatqa tıshqansha menen kórsetkenimizde payda boladı.

Excel programmasındaǵı hár bir yacheyka óziniń qásiyetlerine iye. Bul ayrıqshalıqlardı kóriw hám ózgertiw ushın sol yacheykanı tańlap «CTRL» túymesin basamız. Nátiyjede ekranda ayna payda boladı.


Sol aynanıń ЧИСЛО bólimi járdeminde yacheyka nıń maǵlıwmatlar túrin (ápiwayı, cifr, pul, kún, waqıt, procent, bólshek hám basqa) ózgertiwimiz múmkin.
ВИРАВНИВАНИЕ bólimi járdeminde bolsa yacheykanıń ishindegi maǵlıwmatlar jaylasıwı (gorizontal hám vertikal jaylasıwı), bir neshe qatarǵa bóliw jaǵdayı, maǵlıwmatlardı avtosińiriw jaǵdayı, yacheykalardı birlestiriw jaǵdayın qosıp óshiriwimiz múmkin, hám yacheykanıń ishindegi maǵlıwmatlar jazılıw baǵıtın ózgertiwimiz múmkin.
ШРИФТ bólimi járdeminde bolsa háripler forması, úlkenligi, reńi, sızıqlar túrin hám basqa hár qıylı effektlerden paydalanıwımız múmkin.
ГРАНИЦА bólimi járdeminde saylanǵan yacheykalardıń shegaralarınıń túrin hám reńin ózgertiwimiz múmkin.
ВИД bólimi járdeminde bolsa saylanǵan yacheykalardıń arqa fonın ózgertiwimiz múmkin.
ЗАЩИТА bólimi bizge saylanǵan yacheykalardı parol menen qorǵalıwı hám ishindegi formulalardıń kórinbesligin támiyinleydi.

Kestelerde hár qıylı funkciya hám formulalardı qollanıw múmkin. Olardı jazıwdan aldın = belgisin qoyıwımız kerek. Funkciyalarda + (qosıw), - (alıw ), * (kóbeytiw), / (bóliw), ^ (dárejege kóteriw) belgilerin qollanıwımız múmkin. Formulalarda yacheykalar atı tek ǵana latın háripleri menen beriliwi shárt.
Mısalı eger A1 hám B12 yacheykalerdegi sanlardı bir birine qosıw kerek bolsa ol jaǵdayda formulamız tómendegishe boladı : =A1+B12