Европейский Централный Банк (ецб)

ЕМБТ нинг мақсад ва вазифалари 
 
Европа марказий банклар тизимининг асосий мақсади-Европа марказий 
банклар тизими ва Европа марказий банки Уставининг 2 моддасида белгилаб 
қўйилган бўлиб, у баҳоларнинг барқарорлигини ушлаб туришга хизмат 
қилади. ЕМБТ ушбу асосий мақсадга зиён қилмасдан Ҳамдўстликнинг 
умумий иқтисодий сиёсатини қўллаб-қувватлаб туриши зарур. Мана шу олий 
макқсадларни ўз олдига қўйиб, ЕМБТ очиқ бозор иқтисодиёти тамойили, 
яъни эркин рақобат талабларига мос ҳолатда, ресурсларни самарали 
тақсимланишига кўмаклашиши зарур. 
ЕМБТ нинг олдида турган асосий вазифалар қуйидагилардан иборат: 

Ҳамдўстликнинг валюта сиёсатини аниқлаш ва амалга ошириш; 

Валюта операцияларини амалга ошириш; 

Аъзо давлатларнинг расмий валюта резервини сақлаш ва бошқариш; 

Тўлов тизими ишин узлуксизлигини таъминлаш; 

Кредит институтлари ва молия тизими барқарорлиги устидан назорат 
масалаларида маъсул органлар амалга оширадиган сиёсатга ёрдам бериш. 
Бундан ташқари, ЕМБТ Ҳамдўстлик ва миллий хокимият органларига 
унинг ваколатига кирадиган саволлар бўйича, айниқса Ҳамдўстлик ва аъзо 
давлатларнинг қонунчилиги масалаларида консультация бериш вазифасини 
ҳам ўтайди. Ва ниҳоят, ЕМБТ ва ЕМБ олдида турган вазифалар ечилишини 
кафолатлаш учун, миллий марказий банклар ёрдамида зарур статистик 
маълумотларни миллий ваколатли институтлардан ва беъвосита иқтисодий 
агентлардан тўплаши зарур. 

---

39 
ЕМБТ валюта функциялари ва операциялари 
 
ЕМБТ Уставида ЕМБТнинг валюта функциялари ва операциялари 
белгилаб қўйилган. Шу шарт-шароитга мос равишда Европа валюта 
институтлари ЕМБТнинг валюта сиёсатини олиб бориш тамойилларини 
тайёрлаган ва ишлаб чиққан. ЕМБнинг Бошқарув кенгаши бу тамойиллар 
бўйича охирги қарорлар қабул қилади. ЕМБнинг Бошқарув кенгаши барча 
мавжуд имкониятларни ишлатмасликни ҳам ҳал қилади ёки тақдим этилган 
тамойиллар ва процедураларни баъзи бир деталларини ўзгартириши ҳам 
мумкин.