Ёритиш электр

Охирги босиш–бу контакт пружинаси ҳосил қиладиган кучдир (контактор тўла уланган ҳолатда).
Охирги босишни текшириш контактор тўла уланган ҳолатда бўлганда бошланғич босишини текшириш каби бажарилади, фақат бу ҳолда қоғоз ҳаракатланадиган ва ҳаракатланмайдиган контакторлар орасига қўйилади (7.5–расм, б қаранг).
Контакторларни босиш қиймати ҳаракатланадиган котакторлар тутқичи скобасининг ҳолатни ўзгартириб ростланади; скобанинг ҳолати тутқич 5 ни хомутлар 7 билан вал 6 га махкамланадиган гайкани бураб тортиб ёки бўшатиб ўзгартирилади.
Контактларниг очилиши даражаси, сусайиши ва контактларнинг босилишини ротлаш учун маълумотлар аппаратнинг завод илова қилган паспортидан олинади.

Назорат саволлари:

1. 
   ШМА шинали ўтказгичнинг тузилишининг баён қилинг.
   
2. 
   ШМА шинали зтказгич қайдай тартибда монтаж қилинади?
   
3. 
   Қисқа туташтирилган роторли электр двигатель қандай тузилган ва фаза роторли двигательдан нимаси билан фарқ қилади?
   
4. 
   Қандай аппаратлар ва нима учун ноавтоматик аппаратлар дейилади?
   
5. 
   Уч фазали контактор қандай тузилган?
   

8–БОБ

ЕР УЛАШ ҚУРИЛМАЛАРИНИ МОНТАЖ ҚИЛИШ

8.1. Ерга улаш ҳақида умумий маълумотлар

Ерга улайдиган қурилма (ерга улаш) аппаратлар ва электр қурилмаларнинг нормал ҳолда кучланиш бўлмаган қисмларида кучланиш ҳосил бўлиб қолган пайтларда ходимларни ток уришидан ҳимоялаш, шунингдек уларни нормал шароитда ишлашини таъминлаш учун хизмат қилади.

Ерга улайдиган қурилма деб, ерга улагичлар ва ерга улайдиган симлар тўпламига айтилади.
Ерга улагич–бевосита ерга тегиб турадиган металл сим ёки симлар гуруҳидир.
Ерга улайдиган симлар, ерга уланадиган электр қурилмаларининг қисмларини ерга улаш учун хизмат қиладиган металл симлардир.
Электр қурилмасининг қандайдир қисмини ерга улаш–бу олдиндан ўйлаб уни ерга улайдиган қурила билан электрик улашдир.