Ёритиш электр

7.2. Электр аппаратларининг тузилиши

Электр занжирларини бошқариш учун ишлатиладиган аппаратлар ноавтоматиик ва автоматик аппаратларга бўлинади.
Рубильниклар, алмашлаб улагичлар, рубильникли яшиклар, пакетли узгичлар, шунингдек оператор бевосита қўлда бошқарадиган барабанли узгичлар ва контроллерлар ноавтоматик аппаратлардир.
Контакторлар, магнитли юргизгичлар ва масофадан бошқариладиган автоматлар ёки электр двигателнинг ёки таъминловчи манбанинг ўрнатилган ишлаш режими ўзгарганда (ўта юкланиш ёки кучланишнинг пасайиши ёки бутунлай йўқолиб қолиши ва ҳ.к.) ишлайдиган автоматлар автоматик аппаратлар ҳисобланади.

7.3. Ноавтоматик аппаратлар

Рубильник (7.1–расм, а), электр двигателларни ва электр занжирларни манбага улаш ва узиш учун, шунингдек юкламасиз оператив бошқариш учун ишлатилади.
Алмашлаб улагич (7.1–расм, б) асосан қисқа туташтирилган роторли асинхрон двигателларни юргизишда ҳосил бўладиган юргизиш токларини камайтириш мақсадида унинг чўлғамларини “юлдуз” усулида улашда “учбурчак” усулида қайта улаш учун, шунингдек кучланиши 220 ва 380 В ли занжирларни коммунитациялаш учун ишлатилади.
Пакетли узгич (7.1–расм, в) электр двигателларни, шунигдек кучланиши 380 В ли электр занжирларини улаш ва узиш учун ишлатилади. Пакетли узгич бир қутбли пластмасса ҳалқалар тўпламидан иборат, ҳалқалар ичида ҳар бир қутб учун алоҳида контактлар ва ёй ўчирувчи қурилмалар жойлашган.
Юргизиб юбориш яшиги (7.1–расм, г) рубильникдан ташқари комплект сақлагичлар билан таъминланган, сақлагичлар ёки шикастланиши натижасида ҳосил бўладиган ўта юкланиш токларида, электр тармоғини – эса катта токлардан сақлайди. Юргизиш яшиги кучланиши 500 В гача бўлган тармоқларда электр двигателларни қўлда бошқариш учун ишлатилади, у рубильник уланган ҳолда бўлганда унинг эшигини очирмайдиган, шунингдек яшикнинг эшиги очилган ҳолда бўлганда уни улаб бўлмайдиган махсус блокировкали қурилмаси билан таъминланган.