Ergashxodjaeva Sh. Dj., Samadov A. N.,Alimxodjayeva, N. E., Sharipov I. B. Marketing kommunikatsiyasi

.«Seylz promoushn» usullari bilan savdo vositachilariga ta’sir ko‘rsatishda 
quyidag
i asosiy vazifalar hal etiladi: sotuv hajmi ortishini rag‘batlantirish; sotish 
uchun hajmi bo‘yicha maksimal tovar partiyalariga buyurtmalarni rag‘batlantirish; 
muayyan tovarni sotishdagi ilg‘or tajribalar almashinishni rag‘batlantirish; 
vositachilardan buyurtmalar kelib tushishida vaqt bo‘yicha tebranishlarni pasaytirish 
va h.k. 
Vositachilarni rag‘batlantirishning eng tarqalgan usullari orasida 
quyidagilar alohida ajratib ko‘rsatiladi: 
2.1.Kelishib olingan tovar partiyasi hajmida narxdan chegirmalar. 
2.2.Belgilangan miqdorda tovar xarid qilish shartida vositachiga kelishib olingan 
miqdorda tovar birliklarini bepul taqdim etish. 
2.3.Dilerlarga belgilangan vaqt oralig‘ida kelishib olingan miqdordan ortiq tovar 
sotishda to‘lanadigan mukofotlar. 
2.4.Dilerlar o‘rtasida konkurslar tashkil qilish. 

---

258 
2.5.Sotuvchi firmaning vositachi bilan birgalikdagi vositachining reklama 
xarajatlari mos keluvchi kompensatsiyalari bilan reklama kampaniyasida ishtirok etishi 
(«reklamani hisobga olish»). CHakana savdogarlarni bepul firma reklama vositalari 
(plakatlar, vimpellar, nakleykalar va h.k.) bilan ta’minlash. 
2.6.Dilerlar qurultoylarini tashkil qilish. 
Masalan, «Ford Motor» korporatsiyasi bunday tadbirlarni, qoidaga ko‘ra, har yili 
kurort shaharlarda o‘tkazadi. Qurultoylarda yillik dilerlar konkurslarining yakunlari 
e’lon qilinadi, ularni mukofotlash marosimlari o‘tkaziladi. O‘zaro norasmiy muloqot 
jarayonida dilerlar avtomobillarni samarali sotish bo‘yicha tajriba almshinadi. 
2.7.Ishlab chiqaruvchi 
firma «sotuvni hisobga olish»ni taqdim etishi mumkin. 
Ushbu holatda vositachi firma mahsulotlarini o‘z nomenklaturasiga kiritish uchun 
belgilangan chegirmani qo‘lga kiritadi, bu bilan uning qo‘shimcha sotuv xarajatlari bir 
qismi qoplanadi. 
2.8.Tovar ishlab chiqaruvchi (bu ayniqsa, murakkat texnik mahsulotlarga tegishli) 
vositachilar personali malakasini bepul oshirishni ta’minlashi mumkin. 
Masalan, IBM korporatsiyasi vaqti-vaqti bilan o‘z dilerlarini kompyuter ishlab 
chiqarish texnologiyalarining yangiliklari, o‘z tovarlarining yangi markalari, dasturiy 
ta’minot yaratishdagi tendensiyalar va h.k. bilan tanishtirib boradi. 
3.