Ер тузишни лойихалаш

 
 
 
 
 
IV боб 
ХЎЖАЛИКЛАРАРО ЕР ТУЗИШ ЖАРАЁНИ ВА
УНИ ЎТКАЗИШНИНГ АСОСЛАРИ 
 
1. Ер тузиш жараёни 
Хўжаликлараро ер тузиш ер эгаликларини ва ердан фойдаланишларни 
ташкил этиш ва тартибга солиш масалаларини ечиб, катта ҳудудларнинг 
ташкил этилишига сезиларли ўзгаришлар киритади. Хўжаликлараро ер тузиш 
бўйича асосий ишлар, одатда, хўжаликлар гуруҳини қамраб олгани ва 
кўпчилик ҳолларда маъмурий туманлар чегараларида амалга оширилганлиги 

---

58 
сабабли, хўжаликлараро ер тузиш туман ер тузиш чизмалари билан ягона 
технологик ва ахборот алоқасида ўтказилади. 
Замонавий шароитларда туман ер тузиш чизмасига ер фондини, ер 
эгаликлари ва ердан фойдаланишлар аҳволини, ерга бўлган талабларни 
ўрганиш асосида хўжаликлараро ер тузишга тааллуқли қуйидаги масалалар 
киритилиши мумкин: 
ерлар захираларини аниқлаш; 
ер фондини қайта тақсимлаш бўйича тавсиялар; 
туман агросаноат мажмуаси объектларини ва унинг инфратизимини 
жойлаштириш; 
туман ҳудудини ташкил этиш; махсус ер фондларини ажратиш, ер 
эгаликларини ва ердан фойдаланишларни тартибга солиш, фермер 
хўжаликларини, жамоа боғларини ва бошқа объектларни жойлаштириш учун 
ер массивларини ажратиш; 
шаҳар ва қишлоқ аҳоли яшаш жойларининг чегараларини аниқлаш; 
махсус қўриқланадиган ва ш.ў. ҳудудлар чегараларини аниқлаш ва 
белгилаш. 
Туман ер тузиш чизмаси ва унга мос тарзда ишланган кўрсаткичлар 
хўжаликлараро ер тузиш лойиҳаларини ишлаш учун топшириқни тайёрлашда 
асос бўлиб хизмат қилади. 
Хўжаликлараро ер тузиш давлат органларининг (ҳокимиятларнинг), 
маҳаллий ўз-ўзини бошқариш органларининг қарорлари ёки ер мулкдорлари, 
эгалари, фойдаланувчилари, ижарачилари, ҳамда ер тузиш органларининг 
ташаббуси бўйича ва манфаатдор фуқаролар ва ҳуқуқий шахслар 
иштирокида ўтказилади.
Хўжаликлараро ер тузиш жараёни қуйидаги босқичлардан иборат 
бўлади: тайёргарлик ишлари; лойиҳани тузиш ва асослаш, лойиҳа 
ҳужжатларини кўриб чиқиш ва тасдиқлаш; лойиҳани жойларга (натурага) 
кўчириш; ер тузиш билан боғлиқ ҳужжатларни тайёрлаш, ердан фойдаланиш 
ёки унга эгалик қилиш ҳуқуқини берадиган давлат актларини 
(далолатномаларини) бериш; хўжаликлараро ер тузиш лойиҳасини, ер 
мулкдорлари, эгалари, ердан фойдаланувчилар ва ижарачилар томонидан 
лойиҳанинг бажарилиши устидан муаллифлик назоратини амалга ошириш.