Ensiklopediyasi

Gidroelektr stansiyasining tuzilish chizmasi.
www.ziyouz.com kutubxonasi

---

soslari ham avtomatik ravishda ishlatiladi. 
Bir necha avtomatlashtirilgan gidroelektr stan- 
siyalar uzoqdan turib (qo'shni gidroelektr 
stansiyadan yoki energotizimning boshqarish 
pultidan) boshqariladi.
GIGIYENA
O'quvchilar oromgohida sanitar qizlar 
«Gigiyena!» deb, hech kimning hol-joniga 
qo'yishmaydi. Ertalab yuvinish va tishlarni 
tozalash odat tusiga kirgan. Biroq, voleybol 
yoki basketbol o'yinini o'ynab bo'ldingmi, 
yana qo'lingni yuvishing kerak. Tushlik yoki 
kechki ovqatdan oldin yana shu ahvol takror- 
lanadi. Mana shularning hammasi «gigiyena» 
deb ataladi. Bunday qat’iy tartiblar nima 
uchun kerak?
Bu tartiblar odamning xavfli va ashaddiy 
dushmanlari bo'lgan yuqumli kasalliklarni 
tug'diruvchi va tashuvchi bakteriyalarga 
qarshi kurashish uchun zarurdir. Bakteriyalar
— oddiy ko'z bilan ko'rib bo'lmaydigan tirik 
mavjudot. Ular yerda ham, suvda ham g'ij-g'ij, 
ulartanaga ham ifloslik orqali tushib qoladi. 
Bakteriyalar asosan, tirnoq tagida ko'p 
to'planadi.
Sizlar meva va sabzavotlarni yuvmasdan 
iste’mol qilish, dasturxonga qo'l yuvmasdan
o'tirish mumkin emasligini bilasiz. Tirnoqlar- 
ni olib, sochlarni yuvib, tishlarni tozalab turish 
kerak.
Gigiyena qoidalari ichida «mumkin emas», 
«kerak» degan zerikarli qoidalar ko'p, lekin 
ular sog'liqni saqlashga yordam beradi.
Tanamiz, kiyimimiz, ovqat va nafas olishi- 
mizdagi havoning tozaligi ham gigiyenadir.
Siz shifokorlar operatsiya paytida gigiye- 
naga qanchalik rioya qilishlarini bilasizmi?
Hamma tibbiy asboblari oldindan sterili- 
zatsiya qilinadi, ya’ni qaynatiladi yoki bak- 
teriyalarni o'ldiruvchi maxsus suyuqlik bilan 
ishlov beriladi; tibbiyot hamshiralari ularni 
sterilizatsiya qilingan (yuqumsizlantirilgan) 
qisqich bilan uzatadilar, shifokor ham- 
shiralarning qo'llarida sterilizatsiya qilingan 
rezina qo'lqoplar bo'lib, og'iz va burunlari 
sterilizatsiya qilingan niqob bilan berkitila- 
di. Mana shunday ehtiyot choralari ko'rilsa, 
bakteriya bemor yarasiga tushmaydi. Oyga 
borib qaytgan amerikalik kosmonavtlarni 
ikki hafta davomida alohida kameralarda 
ushlab turganlar. Chunki, ular Yerda uchra- 
maydigan va unga qarshi qanday kurashish 
kerakligini bilib bo'lmaydigan bakteriyalar- 
ni Yerga olib tushishlari mumkin, deb xavf- 
sirashgan.