Енгил бетонларни тайёрлаш учун турли ҳил ғовакли тўлдирувчилар ишлатилади, яъни

Йирик ғовакли енгил бетонлар. Ғовакли тўлдирувчилар асосидаги енгил бетонларнинг иссиқ сақлаш хоссасини ошириш мақсадида бетонда сунъий ғоваклар ҳосил қилинади. Яъни, йирик тўлдирувчи доналари юпқа цемент хамири билан қопланиб, ўзаро бириктирилади, доналар орасидаги бўшлиқлар эса шундайлигича қолади, бунда қум ишлатилмайди. Натижада йирик ғовакли таркиб ҳосил бўлади.
Ғовакли тўлдирувчилар асосидаги конструктив-иссиқ сақловчи йирик ғовакли енгил бетон таркиби ҳам ҳисоб-тажриба орқали аниқланади. Бундай бетон қоришмаси юқори бикрлиги билан ажралиб туради, шу сабабли унинг таркибини аниқлашда бетон қоришмасининг қатламларга ажралиб кетмаслиги назорат қилинади.
Бетон таркибини ҳисоблаш учун йирик тўлдирувчи сарфи Щ, м³/м³ унинг ғоваклигига П_щ, % қараб қабул қилинади: яъни, П_щ=40 % бўлганда Щ =1,1 м³/м³; П_щ =50 % бўлганда Щ =1,15 м³/м³ ва П_щ =60 % бўлганда Щ = 1,25 м³/м³. Ишлаб чиқариш таркиби учун тўлдирувчи сарфи 5-15 % кўп олинади (технологик сабаблар бўйича). Цемент сарфи 10.6-жадвалдан олинади.
Сув сарфи, л
С = (МК·Ц + Ш·ω₃₀)/100 (10.24)
бу ерда МК–цемент хамирининг меъёрий қуюқлиги, %; ω₃₀ –йирик тўлдирувчининг қуруқ холдаги массаси бўйича 30 мин давомидаги сув шимувчанлиги, %.
Қуруқ бетоннинг зичлиги:
ρ_b = 1,5·Ц + Щ (10.25)
Цемент ва сув сарфини аниқлаштириш учун учта тажриба қоришмаси тайёрланади: биринчиси цементнинг ҳисобий миқдори бўйича, қолган иккитасида эса цемент миқдори ±15-20 % кўп ёки кам олинади. Сувнинг энг мақбул миқдори бетон қоришмасининг максимал зичлиги бўйича қабул қилинади. Бунда бетон қоришмасининг зичлиги берилган зичликдан юқори бўлса, қоришмага йирик тўлдирувчи қўшилади. Бетоннинг энг мақбул таркиби намуналарни мустаҳкамликка синаш орқали ўрнатилади.