Енгил бетонларни тайёрлаш учун турли ҳил ғовакли тўлдирувчилар ишлатилади, яъни

2. Енгил бетон таркибини лойиҳалаш

Маълумки, енгил бетонлар учун ишлатиладиган ғовакли тўлдирувчиларнинг ҳиллари ва уларнинг хусусиятлари турлича бўлганлиги туфайли, енгил бетон таркибини ҳисоблашда мавжуд формула ва жадваллардан фойдаланиб аниқ натижалар олиб бўлмайди. Шу сабабли бундай бетон таркиби ҳисоб-тажриба орқали аниқланади. Олдин бетоннинг тақрибий таркиби аниқланади, сўнгра шу таркибдан синов қоришмаси тайёрланиб текшириб кўрилади.

Енгил бетон таркибини лойиҳалашда оддий бетондан фарқли-ўлароқ бетоннинг талаб қилинадиган мустаҳкамлиги ва қулай жойланувчанлигига эришилган холда, унинг берилган зичлиги ҳам таъминланиши керак. Шу сабабли майда ва йирик тўлдирувчиларнинг сарфи берилган (талаб қилинадиган) зичлик бўйича аниқланади (Ўз РСТ 709-96).
Доналарининг йириклиги (ўлчами) бўйича ғовакли тўлдирувчилар майда (қумлар) ва йирик (шағал, чақиқ тошлар) тўлдирувчиларга бўлинади. Ғовакли қумлар одатда иккита фракцияга тақсимланади: ўлчамлари 1,25 мм гача майда қумлар ва 1,25-5 мм -йирик қумлар. Йирик ғовакли тўлдирувчилар учта фракцияга бўлинади: 5-10, 10-20 ва 20-40 мм. Тўлдирувчилар аралашмасидаги фракция ўлчамларининг ўзаро нисбати бетон қоришмаси мумкин қадар ғовакли бўладиган қилиб ўрнатилади.
Йирик тўлдирувчи фракциялари ўртасидаги нисбат қуйидагича олинади: (5-10):(10-20) мм ли фракция учун – 40:60 %; (5-10):(10-20):(20-40) мм ли фракция учун – 20:30:50 %.
Диаметри 150 мм бўлган пўлат цлиндрда эзиш орқали аниқланган йирик тўлдирувчиларнинг ўртача мустаҳкамлиги қуйидагича аниқланади:
R_т =0,01(R_т1·х₁ + R_т2·х₂ + R_т3·х₃) (10.1)
бу ерда R_т1, R_т2, R_т3 - тўлдирувчиларнинг ҳар қайси фракциядаги мустаҳкамликлари; х₁, х₂, х₃ -ҳар қайси аралашмадаги фракция миқдори, массаси бўйича % ҳисобида.
Енгил бетон учун ишлатиладиган майда тўлдирувчиларнинг (қумлар) мустаҳкамлиги 15-50 МПа, йириклик модули 1,5-2,5 ва уйма зичлиги 600 кг/м³ дан кам бўлмаслиги керак. Мустаҳкамлиги 15 МПа гача бўлган бетонлар учун уйма зичлиги 200 кг/м³ ва ундан юқори бўлган кўпчитилган перлитли қум ишлатилишига рухсат этилади. Бунда қумнинг ўлчами 0,16 мм дан кам бўлган қисмининг миқдори 10 % дан кўп бўлмаслиги керак. Мустаҳкамлиги 15-20 МПа бўлган бетонлар учун (цемент фаоллиги талаб қилинадиганидан юқори бўлганда) қумнинг ўлчами 0,16 мм дан кам бўлган қисмининг миқдори 25 % гача олиниши мумкин.
Енгил бетонларнинг мустаҳкамлиги тўлдирувчиларнинг хоссалари, миқдори ва бетон қоришмасининг харакатчанлигига хам боғлиқдир. Шу сабабли цемент сарфини аниқлашда тажрибалар асосида тузиб чиқилган жадваллардан фойдаланилади. Олдин бетоннинг берилган мустаҳкамлиги бўйича цемент сарфи 10.1-жадвалдан аниқланади, сўнгра 10.2-жадвал асосида аниқлик киритилади.
10.1-жадвал
Чегаравий йириклиги 20 мм гача бўлган ғовакли тўлдирувчилар асосидаги бетон таркибини ҳисоблаш учун цементнинг тахминий сарфи, кг/м³

Бетоннинг мустаҳкам-лиги, МПа	Цемент маркаси	Ғовакли тўлдирувчи доналарининг мустаҳкамлиги бўйича маркаси.
		75	100	125	150	200	250	300
15 20 25 30 35 40 50	400 400 400 500 500 500 600	300 - - - - - -	280 340 - - - - -	260 320 390 - - - -	240 300 260 420 - - -	230 230 330 390 450 - -	220 260 310 360 410 480 570	210 250 290 330 380 450 540

10.2-жадвал

Цемент маркаси, тўлдирувчиларнинг ўлчами, бетон қоришма ҳаракатчанлиги ўзгарганда цемент сарфининг ўзгариши коэффициентлари

Материалларнинг тавсифи	Бетоннинг мустаҳкамлиги, МПа
	15	20	25	30	35	40	50
Цемент маркаси: 300 400 500 600 Тўлдирувчиларнинг йириклиги, мм 40 20 10 Бикрлиги, сек: 5-8 8-12 12-20 Конус чўкмаси, см: 1-2 2-5 8-12	1,15 1 0,9 - 0,9 1 1,1 1 0,9 0,85 1,07 1,1 1,25	1,2 1 0,88 - 0,9 1 1,1 1 0,9 0,85 1,07 1,1 1,25	- 1 0,85 0,88 0,93 1 1,07 1 0,9 0,85 1,07 1,1 1,25	- 1,5 1 0,9 0,93 1 1,0 1 0,9 0,85 1,07 1,1 1,25	- 1,2 1 0,88 0,95 1 1,05 1 0,9 0,85 1,07 1,1 1,25	- 1,25 1,1 0,85 0,95 1 1,05 1 0,9 0,85 1,07 1,1 1,25	- - 1,1 1 0,95 1 1.05 1 0,9 0,85 1,07 1,1 1,25

Сув сарфи йирик тўлдирувчи ҳили ва бетон қоришмасининг талаб қилинадиган бикрлиги бўйича белгиланади (10.3-жадвал). Бунда майда тўлдирувчи сифатида зич қум ишлатилган. Сув сарфига бошқа омиллар таъсирини ҳисобга олиш учун 10.3-жадвалга тўғрилашлар киритилади. Бунда биринчи навбатда майда тўлдирувчиларнинг сув талабчанлигини ҳисобга олиш керак. Чунки, бунда бетон қоришмасининг сув талабчанлиги асосан майда тўлдирувчининг хоссаси ва сарфига боғлиқ бўлади.

10.3-жадвал
Табиий йирик тўлдирувчилар ва зич қум ишлатилган бетонқоришмасини тайёрлаш учун сувнинг дастлабки таҳминий сарфи, л/м³.

Конус чўкмаси, см	Бикрлиги, сек	Чегаравий йириклиги, мм
		шағал			чақиқ тош
		10	20	40	10	20	40
8-12 3-7 1-2	3-5 5-8 8-12 12-20	235 220 205 195 185 175	220 205 190 180 170 160	205 190 175 165 160 150	265 245 225 215 200 190	250 230 210 200 185 175	235 215 195 185 175 165

Қумнинг зичлиги ўзгарганда таққословчи натижалар олиш учун стандарт қоришма таркиби массаси бўйича эмас балким, ҳақиқий ҳажми бўйича белгиланади ва 1:2,28 қабул қилинади. Бу тахминан кварц қумининг массаси бўйича 1:2 нисбатига мос келади. Ғовакли қумнинг сув талабчанлиги (%) қуйидаги формула орқали аниқланади: