Ёнғин техник комиссияси ва кўнгилли ёнғин ўчирувчилар фаолиятларини ташкил

IV. КЎНГИЛЛИ ЁНҒИН ЎЧИРУВЧИЛАРНИ ТАЙЁРЛАШ ТАРТИБИ
28. Кўнгилли ёнғин ўчирувчини дастлабки (кейинги) тайёргарликдан ўтказиш жамият маъмурияти аризаларига кўра ДЁХХ норматив-ҳуқуқий ҳужжатларига мувофиқ кўнгилли ёнғин ўчирувчи учун белгиланган ҳажмда ДЁХХ бўлинмалари базасида бепул амалга оширилади.
29. Кўнгилли ёнғин ўчирувчиларнинг кейинги тайёргарликдан ўтиш дастури ДЁХХ маҳаллий органи раҳбари билан келишилган ҳолда ёнғиндан сақлаш хизмати бошлиғи томонидан ишлаб чиқилади ва жамият маъмурияти томонидан тасдиқланади.
30. Дастлабки тайёргарликдан ўтмаган шахслар мустақил ишлашга қўйилмайди.
V. КЎНГИЛЛИ ЁНҒИН ЎЧИРУВЧИЛАРНИНГ ҲУҚУҚЛАРИ ВА МАЖБУРИЯТЛАРИ
31. «UzGazOil» МЧЖ кўнгилли ёнғин ўчирувчилар қуйидаги ҳуқуқларга эга:
тегишли маъмурий-ҳудудий бирлик (жамиятнинг) ҳудудида ДЁХХ маҳаллий органи билан биргаликда ёнғин хавфсизлигини таъминлаш фаолиятида иштирок этиш;
ёнғинлар тарқалган (тарқалиши эҳтимоли бўлган) ва уларни пайдо қиладиган жойларга кириб бориш;
портлаш ёки ёнғинга олиб келадиган ёнғиндан хавфли ва шунга ўхшаш ишларнинг жамият маъмурияти ёки ДЁХХ маҳаллий органи томонидан кўриб чиқилгунга қадар олиб борилишини тақиқлаш.
32. «UzGazOil» МЧЖ кўнгилли ёнғин ўчирувчилари қуйидагиларга мажбур:
ДЁХХ томонидан тасдиқланган, кўнгилли ёнғин ўчирувчиларни дастлабки тайёргарликдан ўтказиш дастурида назарда тутилган ҳажмда зарур ёнғин-техник билимларга эга бўлиш;
ёнғин хавфсизлиги чора-тадбирларини ишлаб чиқиш ва таъминлашда иштирок этиш;
ёнғин хавфсизлиги қоидаларининг бузилиши, шунингдек портлаш ёки ёнғинга олиб келадиган ёнғиндан хавфли ва бошқа ишларнинг олиб борилиши ҳолатлари аниқланганда улар тўғрисида фуқароларнинг ўзини ўзи бошқариш органларига, жамият маъмуриятига, шунингдек ДЁХХ маҳаллий органларига хабар бериш;
кўнгилли ёнғин ўчирувчиларга қўйиладиган талабларни бажариш;
ёнғиндан сақлаш хизмати фаолиятида иштирок этиш;
жамият раҳбари ва жойлардаги раҳбарлар томонидан тасдиқланган жадвалга мувофиқ кўнгилли ёнғиндан сақлаш хизмати бўлинмаларида навбатчиликни амалга ошириш;
кўнгилли ёнғиндан сақлаш хизмати бўлинмаларида навбатчилик қилишнинг белгиланган тартибига, тартиб-интизомга ва меҳнат муҳофазаси қоидаларига риоя этиш;
жамият мулкини асраб-авайлаш, бирламчи ёнғин ўчириш, ёнғин-техник воситалари, анжомларини, жиҳозларини тоза ва техник жихатдан соз ҳолатда сақлаш, уларни навбатчиликни қабул қилиб олиш ва топшириш вақтида уларни тозалигига ва созлигига алохида эътибор бериш.
33. Сабабли таваккалчилик доирасида ҳаракат қилган, ёнғин ўчиришда қатнашган кўнгилли ёнғин ўчирувчилар етказилган зарарнинг ўрнини қоплашдан озод қилинади.