Ёнғин техник комиссияси ва кўнгилли ёнғин ўчирувчилар фаолиятларини ташкил

III. «UZGAZOIL» МЧЖ БЎЛИНМАЛАРИНИ КЎНГИЛЛИ ЁНҒИНДАН САҚЛАШ ХИЗМАТИ БЎЛИНМАЛАРИНИ ХОДИМЛАР БИЛАН
ТАЪМИНЛАШ ТАРТИБИ
19. Кўнгилли ёнғин ўчирувчилар сафига ўзининг ишчанлик ва ахлоқий хислатлари, шунингдек соғлиғи бўйича ёнғинларни ўчириш ва (ёки) уларнинг олдини олиш билан боғлиқ вазифаларни бажаришга қодир бўлган 18 ёшга тўлган Ўзбекистон Республикаси фуқаролари кўнгилли равишда якка тартибда қабул қилинади.
20. Жамиятнинг кўнгилли ёнғиндан сақлаш хизмати бўлинмалари учун кўнгилли ёнғин ўчирувчилари сафига танлаб олиш эса – жойлардаги раҳбарлар томонидан амалга оширилади.
21. Ўзбекистон Республикаси фуқаролари объектнинг кўнгилли ёнғиндан сақлаш хизмати бўлинмалари кўнгилли ёнғин ўчирувчилари сафига танлаб олишда қатнашиш учун жойлардаги раҳбарлар номига ёзма ариза берадилар.
22. Кўнгилли ёнғин ўчирувчилар сафига қабул қилинган Ўзбекистон Республикаси фуқаролари мазкур Низомнинг IV бўлимида назарда тутилган тартибда, ТХ, ММ ва ЁХ бўлими томонидан белгиланадиган малака талабларига асосан дастлабки тайёргарликдан ўтадилар.
23. Кўнгилли ёнғин ўчирувчилар сафига қабул қилинган ва дастлабки (кейинги) тайёргарликдан ўтган жамиятнинг кўнгилли ёнғиндан сақлаш хизмати бўлинмалари фаолиятида иштирок этувчи кўнгилли ёнғин ўчирувчиларнинг реестрида рўйхатга олинади.
Рўйхатга олиш тартиб рақами реестр бўйича тўрт хонали сондан ва рўйхатга олинган йилдан иборат бўлиши лозим (масалан - 0001-13).
24. Кўнгилли ёнғин ўчирувчилар Реестрини юритиш ва АЁҚШ,АГЁҚШ,АСГЁҚШ ва ёқилғи мой маҳсулотларини қабул қилиб олиш, сақлаш, тарқатиш ва АЁҚШлардан фойдаланиш бўлимлари раҳбарлари томонидан олиб борилади.
25. ТХ, ММ ва ЁХ бўлими томонидан ҳар йили ДЁХХ маҳаллий органига рўйхатга олинган кўнгилли ёнғин ўчирувчилар сони ҳақида маълумотлар тақдим этилади.
26. Рўйхатга олинган кўнгилли ёнғин ўчирувчиларга, жойлардаги раҳбарлар томонидан томонидан иловага мувофиқ шакл бўйича кўнгилли ёнғин ўчирувчи карточкаси 5 йил муддатга берилади. Карточканинг амал қилиш муддати тугагандан сўнг, кўнгилли ёнғин ўчирувчининг кейинги тайёргарликдан ўтганлигини тасдиқловчи ҳужжатлар мавжуд бўлса, кейинчалик қайта рўйхатдан ўтказган ҳолда карточка янгисига алмаштирилиши мумкин.
27. Ўзбекистон Республикаси фуқаросини кўнгилли ёнғин ўчирувчилар рўйхатидан чиқаришга қуйидагилар асос бўлади:
шахсий аризаси;
кўнгилли ёнғин ўчирувчилар учун белгиланган малака талабларига нолойиқлиги;
ёнғиндан сақлаш хизматида ишлашга имкон бермайдиган саломатлик аҳволи;
белгиланган талабларни мунтазам равишда бажармаслик, шунингдек ёнғиндан сақлаш хизмати бўлинмаси фаолиятида иштирок этишдан ўзини четга олиш;
кўнгилли ёнғиндан сақлаш хизматида бўлишига зид хатти-ҳаракатларни содир этганлик.