Ёнfин хавфсизлиги

Ёнғин бўлган жойни кўздан кечиришнинг асосий объектлари / 2; 6; 8/

Ёнғин бўлган жойни кўздан кечиришнинг асосий объектлари қуйидагилар: электр симлари; аппарат вa механизмлар, бинолар, хоналар ва улардаги жиҳозларнинг жойлашуви; ишлаб чиқариш ускуналари; иситиш тизимлари ва асбоблари; одамлар ва ҳайвонларнинг мурдалари; ўз-ўзидан ёниб кетишга мойил бўлган енгил ёнувчан вa ёнувчан суюқликлар, моддалар ва материалларнинг жойлашган ўринлари; тахмин қилинаётган ёки аниқланган ёнғин ўчоғи; ёнғин бўлган жойда айбдор қолдирган излар ва нарсалар; ёнғиннинг келиб чиқишига сабабчи бўлиши мумкин бўлган нарсалар; ёнғин бўлган жойнинг теварак-атрофи.
Ёнғин бўлган жойнинг қайси ҳажмда кўздан кечирилиши ишнинг ҳолатларига ва аниқланган ёки эҳтимол қилинаётган ёнғин сабабига боғлиқ.
Электр ускуналарини кўздан кечиришда қуйидагилар текширилади: ҳамма электр жиҳозлари ва контакт қурилмалари; ҳимояловчи, олдини олувчи вa ерга уланувчи ускуналар; электр кабеллари ва симлари (маркаси, материали, юзаси ва бошқалар), пўлат қувурлар симлари билан, уларнинг уланиши ва бириктирилиши; кабеллар ва симларнинг тўсиқларни кесиб ўтган жойлари; шикастланган ва эриган электр ускуналарининг бўлаклари.
Ишлаб чиқариш ускуналарини кўздан кечиришда қуйидагилар текширилади: дастгоҳлар, механизмлар ва бутунлай агрегатлар; механизмларнинг шикастланган ва яроқсиз деталлари; ишқаланадиган қисмлар, ҳимоя асбоблари ва тўсиқлари. Асосий эътиборни ускуналарга техник хизмат кўрсатиш ва режа-профилактик таъмирлаш ҳужжатларини ўрганишга қаратиш керак.
Печни кўздан кечиришда қуйидагилар текширилади: ғишт қаланмаси; мўри, мўрининг шифт билан кесишган жойи (разделка); ўтин (ёқилғи) соладиган ва ҳаво кирадиган дарчалар (очиқ-ёпиқ ҳолати, соз-носозлиги); ўтин (ёнилғи) ёнадиган жойи ва унда нима борлиги; печнинг ўрнатилган жойи (пойдевори) ва қурилмаси; печ билан ёғоч конструкцияларининг бир-бирига теккан жойлари; печнинг яқин атрофидаги ёнувчан моддалари ва нарсалар; девор сувоғининг кўчган-кўчмаганлиги ва шикастланганлиги, ёриқлар пайдо бўлганлиги ва уларнинг қорайганлиги, мўридаги куянинг ҳолати (ранги, қуруқлиги); ёқилғи.

62.