Ёнfин хавфсизлиги

23. Аҳоли кўп йиғиладиган жойларда ёнғинга қарши профилактик ишларни ташкиллаштиришнинг ўзига хос хусусиятлари /12/
Ёнғин чиққан пайтда одамларнинг хавфсизлигини таъминлаш мақсадида аҳоли кўп йиғиладиган масканларда қуйидаги тадбирларни амалга ошириш керак.
1. Қутқарув йўлларининг ҳажмий-режавий ва конструктив жиҳатдан ўз ечимларини тўғри топганлиги, хоналарнинг рационал жойлашганлиги, одамларни қутқаришга мўлжалланган йўналишларнинг пухта ўйлаб танланганлиги.
2. Олов ва ёниш маҳсулотлари тарқалишининг олдини олишга, ёнғинни тезда ўчиришга қаратилган муҳандислик ечимлар орқали (ёнғинга қарши тўсиқлар, тутундан ҳимоялаш тизимлари, ўт ўчириш ва хабар берувчи автоматика воситалари ва бошқалар).
3. Одамлар ҳаракатланаётган йўлаклар ва хоналарда (холлар, коридорлар, зиналар ва шу кабилар) безаш учун ёнувчан материаллар, шунингдек, оловнинг юза бўйлаб тез тарқалиши эҳтимоли бўлган материалларни қўллашни чеклаш.
4. Ёнғин чиққан пайтда ёки бошқа фалокат юз берган ҳолатларда одамларни тез ва муваффақиятли қутқаришга хизмат қилувчи қутқариш йўлаклари ва махсус ускуналарни доимий равишда соз ҳолатда тутиш.
5. Одамларнинг доимо мавжуд бўлиши эҳтимоли бўлган жойларда, шунингдек, биноларнинг ертўлаларида портловчи моддаларни, ёнувчан газли баллонларни, енгил ёнувчан ва ёнувчан суюқликларнинг захираларини, ёнғин хавфи бўлган бошқа материалларни сақлашни тақиқлаш (мактабларнинг физика ва кимё кабинетларида, даволаш муассасаларининг лабораториялари ва дорихоналарида ёнғиндан хавфли моддаларни сақлаш меъёрлари ва тартиби алоҳида қоидалар орқали белгиланади).
6. Хизматчиларнинг ёнғин чиққан пайтда ҳамда одамларни қутқариш чоғида қандай ҳаракатлар қилиш учун қайси даражада шай эканликлари (ўт ўчириш хизматини ўз вақтида чақириш, ўт ўчириш воситаларидан тўғри фойдалана олишлари, ялпи қутқариш пайтида одамларга ёрдам бера олишлари ва бошқалар).
7. Масканнинг маъмурияти томонидан хизматчиларнинг ёнғин хавфсизлиги режимига, таъмирлаш ва электр-газ билан пайвандлаш ишларини амалга ошириш чоғида, электр ускуналаридан фойдаланиш, шунингдек, иситиш приборлари, электр ускуналари, телевизорлар ва махсус ускуналардан фойдаланишда ёнғин хавфсизлиги қоидаларига риоя қилишларини доимий назорат остига олиш.