Ёнfин хавфсизлиги

25. Ёнғин – техник минимум тизимида муҳандис техник ходимларга ёнғин хавфсизлиги қоидалари талабларини ўргатиш тартиби /12/
Саноат корхоналарининг ва қурилишларнинг ишчилари ва хизматчилари билан ёнғин-техник минимуми ва ёнғин хавфсизлиги йўриқномалари бўйича ўтказилиши шарт бўлган машғулотлар дастурида барча ишчи ва ходимларнинг ишга жойлашиш пайтида ёнғин хавфсизлиги қоидалари бўйича дастлабки йўриқнома, кейинчалик бевосита иш жойида эса - такрорий йўриқнома олиш тартиби ёритилган бўлади. Агар ишга энди жойлашган ходимлар йўриқномалар олмаган бўлсалар, уларга ишга киришиш рухсат этилмайди.
Ёнғин-техник минимумига камида 12-15 соат ажратилиши керак.
Ёнғин хавфсизлиги бўйича йўриқномаларда ишчилар ва хизматчилар қуйидаги маълумотлар билан танишадилар:

• 
  корхонадаги мавжуд ёнғин хавфсизлиги қоидалари ва йўриқномалари билан;
  
• 
  ёнғин чиқиш хавфи юқори бўлган ишлаб чиқариш участкалари ва чекиш, олов билан ишлаш тақиқланган жойлар билан;
  
• 
  ёнғин чиқариш эҳтимоли бўлган сабаблар билан ва уларнинг олдини олиш йўллари билан;
  
• 
  ёнғин чиққан ҳолларда қандай амалий ҳаракатлар қилиш зарурлиги билан (дастлабки ўт ўчириш воситаларини ишлатиш, Ёнғин хавфсизлик қисми ёки дружинасини ёрдамга чақириш тартиби, технологик ускуналарни тўхтатиш, электр ускуналари ва шамоллатиш тизимини ўчириш, моддий бойликларни қутқариш тартиби).
  

Ишлаб чиқаришни ўрганиш тартиби бўйича чиқарилган буйруқда корхона раҳбари ёнғин-техник минимумини ўрганиши шарт бўлган ишчилар ва хизматчилар тоифасини кўрсатиб ўтади.
Ёнғин чиқиш хавфи бўлган корхоналарнинг ишчилар ва хизматчиларининг ёнғин-техник минимуми бўйича ўтказиладиган машғулотлар дастурига қуйидаги мавзулар киритилиши мақсадга мувофиқ:
Масканда ёнғин хавфсизлиги чоралари
Цехда ва иш жойида ёнғин хавфсизлиги чоралари
Ўт ўчириш хизматини чақириш
Ўт ўчириш воситалари ва улардан фойдаланиш тартиби
Ёнғин пайтидаги ҳаракатлар
Ёнғин-техник минимуми дастурини ўрганиб бўлгандан сўнг ишчилар ва хизматчилар синовлар топширишади. Ёнғин чиққан пайтида қандай ҳаракатлар қилиш кераклигини, дастлабки ўт ўчириш воситаларини ишлата олишини билмаган шахслар қайта ўқишга жўнатилади.
Бир цехдан бошқасига ўтказилган ишчилар ва хизматчилар ҳам янги ишлаб чиқаришнинг ёнғин хавфсизлигига хос бўлган ёнғин-техник минимумларини ўрганишга юборилади. Ишчилар ва хизматчилар такрорий ёнғин хавфсизлиги йўриқномасини ҳар 2-3 йилда оладилар ёки ёнғин-техник минимуми бўйича дастурни ўрганадилар.