Ёнfин хавфсизлиги

Ёнғин ўчоғи белгилари пайдо бўлмайдиган ҳолатлар /2; 7/

Ёнғин содир этилган жойда ўчоқ белгилари пайдо бўлмайдиган ҳолатлар.
Айрим ёнғинларда ўчоқ жойлашган жойда талафотлар минимал даражада бўлади ёки улар сақланмай қолади. Ёнғин ўчоғининг белгилари умуман ҳосил бўлмаслиги ҳам мумкин.
Масалан, агар ёнғин жуда жадал ва тез тарқалаётган бўлса ва ёниш учун жуда қулай шароит туғилса, ёнғин пайдо бўлган жойда ўчоқ белгилари вужудга келишга улгурмайди.
Агар ёниш ўчоқдан тарқала бошласа, масалан, бирор-бир толали материалнинг юзаси бўйлаб (пахта, пахта толаси, ипак ва ш.к.), унда ёнғин ўчоғида етказилган талафот бу материалнинг бошқа жойларидагидан фарқ қилмаслиги мумкин. Бунда агар материал горизонтал ҳолатда сақланган бўлса, ёнғиннинг қандай тарқалганлигига қараб унинг ўчоғини аниқлаш жуда қийин бўлади, кўпинча эса унинг имкони ҳам бўлмайди. Агар материал вертикал ҳолатда сақланаётган бўлса, унда ёнғин ўчоғи кўпинча қуйида жойлашган бўлади.
Яна шу нарсани ҳам эътиборга олиш лозимки, бундай материалларни ўчириш кўпинча уларни сочиб ташлаш билан боғлиқ бўлади, негаки айрим кичик ўчоқчалар толали материалнинг ичига чуқурлик бўйлаб сингиб кетган бўлади. Шунинг учун ҳам агар бундай ўчоқлар аввалам бор мавжуд бўлган тақдирда ҳам, ёнғиннинг ўчирилиши ва толали материалнинг титилиб ташланиши натижасида улар сақланмай қолади. Бундан фақатгина ёнғинни устки қатламли фаол (сингувчи) моддалар ёрдамида ўчириш ҳолатлари мустасно бўлиши мумкин холос. Толали материалларнинг ичига сингиб кетувчи ўт ўчириш моддалари қўлланилганда материаллар унчалик титиб ташланилмайди, айрим ҳолларда эса бунга ҳожат ҳам қолмайди. Шундай қилиб, толали материаллар ёнганда, ёнғиннинг ўчоғини сақлаб қолиш учун уларни ўчиришда устки қатламли фаол ўчирувчи (ҳўлловчи) моддалар қўллаш мақсадга мувофиқ.
Албатта, сув устига тўкилган ёнувчан суюқликлар ёнганда ёнғин ўчоғини аниқлашга ҳатто уринмаслик ҳам керак, бундай ҳолатларда гувоҳларнинг кўрсатмаларидан тўғри фойдаланиш зарур.

20.