Эндокрин тизим морфофункционал тавсифи ва таснифи

МАРКАЗИЙ ЭНДОКРИН АЪЗОЛАР.
Гипоталамус - оралиқ мия бўлими бўлиб, эндокрин тизимининг энг олий маркази ва мия пўстлоқ ости қисмида координацион марказ ҳисобланади.
Рострал-каудал (олдиндан-орқага) йўналишда гипоталамус олдинги, ўрта ва оpқa бўлакларига, сагитал йўналишда эса ён, ўрта ва медиал қисмларига ажратилади. Гипоталамус асосида ядролар нерв толалари ётади.
Гипоталамус ядролари нейросекретор ҳужайралар йиғиндисидан ташкил топган.
Гипоталамусда 42 жуфт ядролар аниқанган. Гипоталамус миянинг барча бўлимлари билан алоқада бўлади.
Гипоталамус эндокрин, иммун, вегетатив нерв системаси, терморегуляция, глюкоза, кальций ва электролитлар алмашинуви, инстинктив фаолият (овқатланиш, жинсий, оналик), артериал босимни бошқариб туради.


Гипоталамус ва эндокрин тизим ўртасидаги боғлиқлиги.
Гипоталамус нейронлари томонидан чин гормонал ҳусусиятга эга бўлган нейромедиаторлар (окситоцин вазопрессин), гипофизатроп гормон ишлаб чиқарилади ва бу гормонлар қон орқали периферик таъсир кўрсатади.
Олдинги гипоталамус супраоптик ва паравентрикуляр ядролари нейронлари окситоцин ва вазопрессин - АДГ антидиуретик гормон ишлаб чиқаради, бу нейронларнинг аксонлари гипофиз opқa бўлагида аксовазал синапсларда тугайди ва бу ердан бу гормонлар қонга ажратилади. Гипоталамус ўрта қисмида статин ва либерин деб номланувчи релизинг омиллар ишлаб чиқарилади. Улар латерал перивентрикуоляр, вентромедиал, дорсо-медиал, аркуат ва четроқда латерал туберал ядролардан ишлаб чиқарилади. Ядро ҳужайралари нейроплазмасида ҳар хил катталикдаги секретор доначалар учрайди.Бу доначаларда гормонлар бўлади, бу гормонлар қон томирлар орқали гипофизга беради.
Қуйидаги статин ва либеринлар маълум:
1. Соматолиберин (ўсиш гомронини ишлаб чиқарилишини стимуллайди)
2. Соматостатин (ўсиш гормонини ишлаб чиқарилишини тормозлайди)
3. Гонадолиберин (либерин гонадотроп гормонлар фолликул стимулловчи гормон ва лютенинловчи гормон ишлаб чиқишини стимуллайди)
4. Тиролиберин (тиреотроп гормон ишлаб чиқарилишини стимуллайди)
5. Кортиколиберин (адренокортикотроп гомрон ишлаб чиқарилишини стимуллайди)
6. Дофамин (пролактостатин: пролактин ишлаб чиқарилишини тормозлайди)
7. Пролактолиберин (пролактин ишлаб чиқарилишини стимуллайди)