Эндокрин тизим морфофункционал тавсифи ва таснифи

БУЙРАК УСТИ БЕЗЛАРИ.
Буйрак усти безлари жуфт аъзо бўлиб, муҳим функцияларни ўтайди. Ҳар бир буйрак усти бези анатомик жиҳатдан битта орган бўлса ҳам, аслида у 2 та безнинг бирлашувидан вужудга келади. Бу безнинг 2 таркибий қисми - мия ва пўст моддалари тузилиши ва ривожланиши жиҳатдан мустақил аъзолар ҳисобланади.
Безнинг стромаси - капсула ва тўсиқлари сийрак толали бириктирувчи тўқимадан иборат. Пўстлок моддада 3 та зона бўлиб, гормон ишлаб чиқарувчи ҳужайралар сақлайди. Бу ҳужайралар цитоплазмасида кўп миқдорда силлиқ эндоплазматик ретикулум ва ёғ томчилари бор:
1. Коптокчали зона - энг юза қавaт бўлиб, нотўғри шаклдаги ҳужайралардан тузилган, бу ерда минералокортикоид гормон (альдестерон) ишланади. Альдестерон натрий гомеостазни сақлайди, (буйрак дистал бурама каналчаларида натрий реарбсорбциясини оширади). Бу зона фаолияти (ренин-ангиотензин-альденстерон системаси) томонидан бошқарилади ва ундан сўнг келувчи кичик суданофоб зона - кам ихтисослашган ҳужайралар сақлайди, бу ҳужайралар регенерация манбаидир.
2. Тутамли зонада - чўзинчоқ ҳужайралар, тутамлар ҳосил қилади, глюкокортикоид
гормонлар (кортизол, кортизон, кортикостерон) ишлаб чиқаради.
3. Тўрсимон ҳужайралари зич жойлашган. Бу зонада адрогенларнинг кам фаол шакллари ва глюкокортикоидлар ишлаб чиқаради. Бу ерда ҳужайралар чувалашиб тўр ҳосил қилади.
Мағиз моддаси хромаффин ҳужайралардан иборат бўлиб, ультрамикроскопик тузилишга кўра икки хил бўлади. Бир хил ҳужайралар цитоплазмасида думалоқ зич кўринишга эга бўлган секретор доначалар тутади. Бу доначалар кобиғидан ингичка оч ёй орқали ажралиб туради. Бундай секретор доначалар адреналин моддасини сақлайди. Мия моддасининг бошқа хил ҳужайралари эса гипоплазмага эга бўлиб, кўпгина секретор доначалар тутади ва юқорида кўрсатилган ҳужайра секрет донасидан фарқ қилади, чўзинчоқ кўринишга эга. Шунинг учун хам секрет доначасининг мембранаси тагида жойлашган элетрон оч ёй нотекис кўpинади. Бундай доначалар таркибида ноадреналин моддаси бўлади.
Хромаффин ҳужайраларнинг плазматик мембранаси атрофида кўпгина нерв толалари ва уларнинг терминаллари жойлашади.