Elеmеntаr mаtеmаtikа, оliy mаtеmаtikа

Dars – bu mantiqan tugallangan, butun vaqt bilan chegaralangan o’quv-tarbiya jarayonining qismidir.

Matematika darsining belgilariga quyidagilar kiradi:

1) Ta’lim va tarbiya vazifalari xal qilinadi;

2) Konkret o’quv materiali muxokama etiladi;

3) Maqsadlarni amalga oshirish uchun mos o’qitish usullari tanlanadi;

4)O’quvchilar jamoasining ma’lum tarzda faoliyati tashkil etiladi.

Matematika darslariga qo’yiladigan asosiy talablar quyidagilar xisoblanadi:

Darsda asosiy didaktik(o’quv) maqsadining mavjudligi. Bunda bir necha masalalarga e’tibor qaratiladi:

a) yangi materialni o’rganish( tushunchani shakllantirish, qonun va algoritmlar o’rnatiladi);

b) o’rganilayotgan bilimlarni mustaxkamlash (takrorlash, masalalar yechish) Ular orasida muximi asosiy maqsadni to’gri aniqlab olishdir. Dars maqsadi uning mavzusini aniqlaydi, darsda nima qilish kerak savoliga javob beradi. Masalan, “Keltirilgan kvadrat tenglama ildizlari” formulasini o’tishda asosiy maqsad o’quvchilarni keltirilgan kvadrat tenglamani yechish algoritmi bilan tanishtirish xisoblanadi. Shu asosda o’quv masalalari vujudga keladi:

a) chala kvadrat tenglama yechish ko’nikmasini tekshirish;

b) kvadrat uchxaddan to’la kvadrat ajratish usulini takrorlash;

v) algoritmni qo’llash.

• 
  2.Darsda ta’limiy vazifalar bilan birga tarbiyaviy masalalar xam xal qilinadi. Bunda:
  
• 
  a) o’quvchilar qiziqishini o’yg’otish va saqlash
  
• 
  b) o’quvchilarning o’qishga ma’suliyatini oshirish;
  
• 
  v) matematikani o’rganishga ehtiyoj va ko’nikmalarni tarbiyalash.
  

Bu talab konkret matematik tushunchalarni o’zlashtirishda quyidagilarni ko’zda tutadi:

• 
  bilimlarni o’z so’zlari bilan bayon etish;
  
• 
  undagi asosiy aniqlangan tushunchalar moxiyatini o’zlashtirish;
  
• 
  ta’rif bo’yicha uni tanib olish
  
• 
  Teoremani to’g’ri ifodalash, subyekt va predikatlarni ajrata olish kabilar xam bu talabning zarurligini tasdiklaydi.