Elеmеntаr mаtеmаtikа, оliy mаtеmаtikа

Modulli ta’lim texnologiyasi. “Modul” lotincha so’z bo’lib “qism” yoki “bo’lak” “blok” degan ma’noni bildiradi. Zamonaviy pedagogik texnologiyalarning eng kichik modullari asosiy tushuncha bo’lib, ular goyo pedagogik texnologiyani hosil qiluvchi “g’ishtcha”lar vazifasini bajarishi bilan asosiy ahamiyatga ega.

Informatika o’qituvchisini tayyorlashda modul texnologiyasi maqsadini royobga chiqarish uchun modul bosqichma-bosqich amalga oshirilib, har bir harakatga o’quv elementi sifatida qaraladi. Modul texnologiyasi o’quv elementi o’z ichiga quyidagilarni qamrab oladi: faoliyatning aniq elementlarini o’rgatish bilan bog’liq bo’lgan nazariy va amaliy axborotlar, ta’lim uchun zarur bo’lgan faoliyatni ta’minlovchi materiallar haqidagi ma’lumotlar, maqsadlar identifikatsiyasi;o’quv materiallari; o’quv sharoitini nazorat qilish va boshqalar

Dasturlashtirilgan o’qitish XX asrning 50-yillari boshida paydo bo’ldi. U amerikalik psixolog B.Skinner nomi bilan bog’liq. U materiallarning o’zlashtirilishini boshqarishning samaradorligini oshirishda, axborotlarni qismma-qism uzatishning muntazam programmasi asosiga qurish va uni nazorat qilishni tavsiya etdi.

N.Krauder tarmoqlangan dasturni ishlab chiqdi, unda nazorat natijalariga ko’ra ta’lim oluvchilarga mustaqil ishlar uchun turli xildagi materiallar tavsiya etiladi.

G.K.Selevko dasturlashtirilgan o’qitishga quyidagi ta’rifni beradi, ya’ni dasturlashtirilgan o’qitish deganda o’qitish uskunalari: EHM, programmalashtirilgan darslik, kinotrenajer va boshqalar yordamida programmalashtirilgan o’quv materialining o’zlashtirilishini boshqarishni tushunadi.

Masofali o’qitish texnologiyalari. Masofali o’qitish – o’zaro ma’lum bir masofada Internet texnologiya yoki boshqa interaktiv usullar va barcha o’quv jarayonlari komponentlari – maqsad, mazmun, metod, tashkiliy shakllar va o’qitish usullariga asoslangan talaba va o’qituvchi o’rtasidagi munosabat.

Masofali o’qitish tizimi – masofali o’qitish shartlari asosida tashkil etiladigan o’qitish tizimi. Barcha ta’lim tizimlari singari masofali o’qitish tizimi o’zining tarkibiy maqsadi, mazmuni, usullari, vositalari va tashkiliy shakllariga ega.

Masofali ta’limda aniq masofali kurslarni o’qitishda, o’quvchilarning shaxsiy xususiyatlarini hisobga olish tamoyili sifatida keladi.

Interfaol ta’lim texnologiyasi. “Interfaol” tushunchasi ingliz tilida “interact”(rus tilida “interaktiv”) tarzida ifodalanib, lug’aviy nuqtai nazardan “inter” – o’zaro, “act” – harakat qilmoq kabi ma’nolarni anglatadi