Elektronnıń zaryadın Milliken usılınıń járdeminde anıqlaw Jumıstıń maqseti

Eksperimentti ótkeriw usılın táriyiplew


1. Qalqıp júriwshi tamshı usılı (Floating method).
Eksperimenttiń usı versiyasında U kernewiniń mánisi maydıń saylap alınǵan tamshısı "ildirilip qoyılǵan halǵa" sáykes halda turatuǵınday etip alınadı (yaǵnıy, tamshınıń kóteriliw tezligi nolge teń: ). Kondensatorǵa túsirilgen kernewdi óshirgennen keyin erkin túsiw tezligi ólshenedi. teńliginiń orınlanıwınıń sebebinen esaplawlar ushın arnalǵan (8)-formula ádewir ápiwayılasadı. Biraq, bunday haldı alıw principinde qıyın eksperimentallıq máselelerdiń biri bolıp tabıladı. Sonlıqtan bul usıl úlken instrumentallıq qáteliklerge hám ayırım ólshewlerdiń nátiyjeleriniń tarqalıwınıń keń spektriniń júzege keliwine alıp keledi.
2. Qozǵalıwshı tamshı usılı (Falling/rising method).
Bul ekinshi usılda eki tezlik ( hám shamaları) hám kernew U ólshenedi. Bunday jaǵdayda U dıń dál mánisin alıw talap etilmeydi. Sonlıqtan qozǵalıwshı tamshı usılı ádewir dál usıl bolıp tabıladı.


Ólshew ushın arnalǵan dúzilisti jumısqa tayarlaw

1. Montajlıq jumıslardıń dúzilistiń sxemasına sáykes keliwin tekserip kórińiz (2-súwret).

2. Basqarıw pul'tiniń 12-tutqasın (Milliken kamerasındaǵı kondensatorǵa túsiriletuǵın kernewdi regulirovkalaw) shep táreptegi eń shetki awhalǵa qoyıńız (U=0).
3. Kondensatordaǵı kernewdi óshiretuǵın 13-tumblerdi "Off" awhalına qoyıńız (óshirilgen awhal).
4. 7-basqarıw pul'tine, 8-"Sensor-CASSY" áspabına hám 9-"PC" komp'yuterge 220 vol't kernew túsirińiz (yaǵnıy olardı iske qosıńız).
5. 5-pompanı bir ret qısıwdıń nátiyjesinde Milliken kamerasına maydıń porciyasın úrleńiz.
6. 2-ólshewshi mikroskoptı may tamshıların baqlawǵa tayarlańız.
a) 10-okulyardı buraw arqalı mikroskoptıń shkalası bolǵan koordinatalıq tordıń anıq kóriniwine jetisińiz.
b) 11-vintti buraw arqalı Milliken kamerasınıń qarańǵı fonında jaqtılı noqatlardıń – shań bóleksheleri menen tamshılardıń anıq kóriniwin támiyinleńiz.
c) (eger zárúrli bolsa) baqlaw ob'ektleriniń jaqtılandırılǵanlıǵın ózgertiw ushın 3-jaqtılandırıwshınıń tubusı turǵan orındı ózgertińiz.
7. Mikroskoptıń járdeminde tamshılardı aldın ala kórip alıńız. Bul tamshılar ástelik penen joqarı qaray qozǵaladı. Al mikroskopta súwret burılǵan bolǵanlıqtan, haqıyqatında may tamshıları tómenge qaray qozǵaladı.