Электроника ва автоматика факультетининг «Радиотехника ва касб таълими» кафедрасида 5522000 – Радиотехника ва 5140900 – Касб таълими ихтисосида таълим олувчи талабалар учун «аналог электрон šурилмалар схемотехникаси»

Takrorlash uchun savollar.

1. 
   Sertifikatlashtirishning tarixini bilasizmi?
   
2. 
   Sertifikat nima?
   
3. 
   Respublikamizda sertifikatlashtirishning eng yuqori rivojlanish davri qaysi vaqtlarga tо‘g‘ri keladi?
   
4. 
   Sertifikatlashtirishda nechta tomon ishtirok etadi?
   

13- Ma’ruza. Sertifikatlashtirish sxemalari. Sertifikatlashtirishni o‘tkazish tartibi.

Reja.

1. 
   Sertifikatlashtirish sxemalari.
   
2. 
   Sertifikatlashtirishni o‘tkazish tartibi.
   

Tayanch sо‘zlar: sertifikat, sertifikatlashtirish, sertifikatlashtirish tizimi.

13.1 Sertifikatlashtirish sxemalari

Sertifikatlashtirish bо‘yicha ISO tarkibidagi qо‘mita tomonidan tayyorlangan hujjatda uchinchi tomon tarafidan amalga oshiriladigan sertifikatlashtirishning tо‘qqizta sxemasi berilgan bо‘lib, respublikamizda ham aynan shu 9 ta sxema tadbiq etilgan:

Birinchi sxema. Bu sxema bilan faqat mahsulot namunalari turlarini standartlar talablariga muvofiqligini maxsus tasdiqlangan sinov tashkilotlarida sinovdan о‘tkaziladi. Bu xildagi sertifikatlashtirishda sinovga taqdim etilgan namunani belgilangan talablarga muvofiqligi tasdiqlanadi, xalos. Bu yо‘l о‘zining soddaligi va unga kо‘p xarajat talab qilmasligi tufayli milliy va halqaro savdo munosabatlarida muayyan darajada tarqalgan.

Ikkinchi sxema. Bu sxemada mahsulotning namuna turlarini maxsus tasdiqlangan sinov tashkilotlarida sinovdan о‘tkazilib, sо‘ngra uning sifatini savdo shahobchalaridan vaqti-vaqti bilan olinadigan namunalar asosida nazorat qilib boriladi. Bu usul taqdim etilgan namunalar sifatini baholash bilan kо‘p seriyali chiqayotgan mahsulotning sifatini ham baholash imkonini beradi. Usulning afzalligi uning soddaligidadir. Uning kamchiligiga esa nazorat sinovlar natijasiga qarab, agar mahsulot standart talablariga nomuvofiqligi aniqlansa, baribir uni savdo shahobchalaridan chiqarib tashlash mumkin bо‘lmaydi yoki uni chiqarib tashlash uchun birmuncha qiyinchiliklar tug‘iladi.

Uchinchi sxema. Mahsulot namunalarining turlarini maxsus tasdiqlangan sinov tashkilotlarida о‘tkazish, sо‘ngra sotuvchi yoki iste’molchiga yubormasdan turib vaqti-vaqti bilan namunalarning tekshiruvini nazorat qilishga asoslanadi. Ikkinchi sxemadan farqlanuvchi tomoni shuki mahsulot savdo shahobchalariga tushmasdan turib, sinov nazorati о‘tkaziladi va standartga nomuvofiqligi aniqlansa, mahsulotning iste’molchiga jо‘natilishi tо‘xtatiladi.