Электр таъминоти ва электр тармоšлари

Аппаратларни коммутацион қобилияти бўйича танлаш

1.4.19. 1000 В дан юқори ўчиргичларни қуйидагилар бўйича танлаш лозим:

1) тикланувчи кучланиш параметрлари ҳисобга олинган холда ўчириш қобилияти бўйича;
2) улаш қобилияти бўйича. Бунда генератор кучланиши томонида ўрнатилган генераторлар ўчиргичлари қарама-қарши фаза шароитларида фақат носинхрон улашга текшириладилар.
1.4.20. Сақлагичлар ўчириш қобилилияти бўйича танланиши лозим. Бунда ҳисобланган ток сифатида, сақлагичларнинг токни чегараловчи қобилияти ҳисобга олинмаган холда, бошланғич ҚТ токи даврий ташкил этувчисининг амалдаги миқдори қабул қилиниши керак.
1.4.21. Юклама ўчиргичлари ва қисқа туташтиргичлар ҚТ га уланганда юзага келадиган чегаравий рухсат этилган ток бўйича танланишлари керак.
1.4.22. Бўлгичлар ва ажратгичларни ҚТ да коммутацион қобилияти бўйича текширилиши талаб этилмайди. Бўлгичлар ва ажратгичлардан юкланмаган линияларни, трансформаторларни ёки параллель занжирларнинг тенглаштирувчи токини ўчириш-улаш учун фойдаланилганда, бўлгичлар ва ажратгичларни фақат ўчириш-улаш режими бўйича текшириш керак.


1.5-боб. Электр энергиясини ҳисобга олиш


Қўллаш доираси, тушунчалар

1.5.1. Қоидаларнинг мазкур боби электр қурилмаларда электр энергиясини ҳисобга олишга талабларни ўз ичига олган.

Мазкур бобнинг қўйилаётган талаблари қуйидагиларда мажбурий:
электр энергиясини ишлаб чиқаришда, узатишда, тақсимлашда ва истеъмол қилишда;
электр энергиясини ҳисобга олишни ташкил этиш бўйича лойиҳалаш, монтаж қилиш, созлаш ва таъмирлаш ишларини амалга оширишда;
электр энергиясини ҳисобга олиш воситаларини эксплуатация қилишни таъминлашда.
Уй-жой ва жамоа биноларида электр энергиясини ҳисобга олишга бўлган қўшимча талаблар “Маҳсус қурилмаларнинг электр ускуналари” бобида келтирилган.
1.5.2. Ҳисоб-китоб амалга ошириладиган ҳисобга олиш деб, пуллик ҳисоб-китоб қилиш учун ишлаб чиқарилган ва истеъмолчиларга етказиб берилган электр энергиясини ҳисобга олишга айтилади.
Ҳисоб-китоб учун ўрнатиладиган ҳисобга олиш асбоблари, ҳисоб-китоб амалга ошириладиган ҳисобга олиш асбоблари дейилади.