Электр курилмаларини эксплуататция килишда хавфсизлик техникаси коидалари

§ 7. Бригадалар билан вактинчалик юкори частотали алока

465. Кўчма юкори частотали алока постларини монтаж килиш ва демонтаж килиш икки кишидан кам бўлмаган бригада аъзолари томонидан амалга оширилади, улардан бири IV гурухга, бошкаси эса III гурухга эга бўлиши шарт.

466. Антенна 110 кВ кучланишгача бўлган ХЛларидаги пастки симдан камида 3 метр масофада, 154 ва 220 кВ кучланишли ХЛларидаги пастки симдан эса 4 м масофада махкамланиши зарур. Антенна симларини осилиши ХЛ симларининг осилишидан бўшрок бўлиши керак.
467. Антеннани осишдан олдин пост билан биргаликда антенна галтаги 1-1,5 м баландликда таянчга махкамланиб, ерга улаб кўйилиши зарур.
Антенна симини постга кирадиган учи ушбу пост ичидаги дроссель оркали, хамда дроссель билан параллел уланган ерга улагич пичоги оркали ерга уланиши зарур. Дроссель билан параллел 1 кВ кучланишли разрядник уланиши шарт.
Антеннани эхтиёткорлик билан, аста-секин силкитмасдан тортиш зарур.
468. Антеннани кўтариш ва тушириш жараёнида икки таянч оралиги ўртасидаги трассанинг четида турган бир ходим антенна симини кучланиш остидаги ХЛ симига мазкур Коидаларининг 466 бандида кўрсатилган масофадан кам масофага якинлашмас-лигини назорат килиб туриши зарур. Кўтарилаётган антенна сими тагида туриш ман килинади.
469. Антеннани тyширишдан аввал уни ерга улагич пичоги ёки кўчма ерга улагич ёрдамида ерга улаш зарур.
§ 8. ДТБВ нинг аппарат хоналари

470. Электростанция ва подстанция электр курилмаларининг аппарат хоналарига ўрнатилган алока ускуналарида ишлаш, уларни тармокка улаш ва тармокдан узиш ва шунингдек телефон алокаси, радиотранс­лация аппаратларини таъмирлаш ишлари III гурухга эга бўлган бир ходим томонидан амалга оширилиши мумкин.

471. Хаво ва кабел алока тармоклари уланган ва уларни улаш-синаш устунлари, масофадан бошкариладиган манба устунлари, кучланишни автоматик ростлаш устунлари, ток таксимлаш устуни олдидаги ерга резинкали диэлектрик гиламча тўшалган ёки изоляцион тахта супа кўйилган бўлиши шарт.
472. Масофадан бошкариладиган манбадан электр токи олаётган ускуналар гилофларига улар кучланиш остида эканлигини огохлантирувчи химоя белгилари буёк билан тyширилган бўлиши шарт.
473. Кидирув контактларини (контакт майдонларини) ва релеларни ювиш, факат улардан кучланиш олингандан кейингина бажарилиши зарур.
474. Ускуналарни тозалашда банди металл билан ўралган чўткадан, хамда чанг ютгичларнинг учи металлдан килинган шлангаларидан фойдаланиш ман килинади.
475. Аппаратлардаги лампаларни, факат улардан кучланиш олингандан кейингина алмаштириш керак. 250 В кучланишгача бўлган лампаларни кучланиш остида химоя воситаларини кўллаб алмаштиришга рухсат этилади.
476. Кириш-синаш устунларига ёки кросснинг химоя чегарасига уланган алока тармокларида 42 Вдан юкори бегона кучланиш пайдо бўлса (электр узатиш тармоклари, масофадан бошкариладиган манба аппаратураси ва хоказолар оркали), навбатчи ходим бундай тармокни химоя воситари ёрдамида ўчириши ва изоляция килиб кўйиши шарт. 42 Вдан юкори бегона кучланиш найдо бўлганлиги тўгрисида yшбу корхона навбатчиси ёки у бўлмаган такдирда юкори ташкилот навбатчиси хабардор килиниши керак. Зарядсизлагичлар ва саклагичлар факат чет кучланиш бœлмагандагина алмаштирилиши мумкин.
477. Хаво электр узатиш линиялари ва ўзгарувчан ток билан ишлайдиган электрлаштирилган темир йўл таъсирига тушадиган алока тармоклари аппаратларидаги ишлар, тармок химоя ускуналарини алмаштириш диэлектрик кўлкопда (ёки изоляцион дастакли омбир ишлатиб) ва химоя кўзойнагини такиб, изоляцион диэлектрик гиламча тўшаб бажарилиши шарт.
478. Махаллий телефон станцияси коммутатори ва автоматик телефон станциясини узатиш устунидаги телефонистларни иш жойи акустик зарбадан чеклагич билан химоя килинган бўлиши зарур. Момакалдирок пайтида телефонистлар микротелефон гарнитури ўрнига микротелефон трубкасидан фойдаланишлари керак.