Электр энергетикада назорат қилиш бўйича давлат инспекцияси ва Ўзбекистон

§4. Бригада таркиби

68. Бригададаги ишчилар сони ва унинг таркиби, уларнинг электр хавфсизлиги бўйича гуруҳини ҳисобга олган ҳолда иш бажариш шароитига, ҳамда бригада аъзолари устидан ишбошининг (назорат қилувчининг) назорат қила олиш имкониятига қараб белгиланади.

Ишбоши раҳбарлик қилаётган бригада аъзоси II эга гуруҳга бўлиши керак. Иш кучланиш остида бажариладиган бўлса III эга гуруҳга бўлиши керак. Бундан ҲЛ бажариладиган ишлар (мазкур Қоидаларнинг 332 банди) мустаснодир. Бундай ишларни электр хавфсизлиги бўйича IV эга гурухга бўлган ишчи бажариши керак.
Электр хавфизлиги бўйича III эга гуруҳга бўлган ҳар бир бригада аъзосига I эга гуруҳга эга бўлган бир ишчи қўшилиши мумкин, лекин I гуруҳли бригада аъзоларининг умумий сони 3 кишидан ошмаслиги керак.
Мазкур Қоидаларда кўзда тутилган айрим ишларни (120 – 124, 127, 487, 526 бандларига қаралсин) фармойиш бўйича бир ишчи якка ўзи бажариши мумкин.
69. Навбатчи ўзидан юқоридаги навбатчининг рухсати билан нарядга киритилмасдан, тезкор диспетчерлик журналида қайд қилиниб, таъмирлаш бригадасида ишлашга жалб қилиниши мумкин.
70. Бригада таркибини ўзгартириш наряд берувчи ёки ушбу электр қурилмада ишни бажариш учун наряд бериш ҳуқуқига эга бўлган бошқа ходимга рухсат берилади. Бригада таркибини ўзгартириш ҳақидаги кўрсатма телефон, радио ёки чопар орқали ишлашга ижозат берувчига ёки ишбошига юборилиши мумкин. Улар ўз имзоси билан ушбу ўзгартириш тўғрисида кўрсатма берган ходимнинг исми шарифи ва фамилиясини нарядда ёзиб қўяди.
Бригада таркибини ўзгартириш жараёни мазкур Қоидаларнинг 68 банди талабларини бузилишига йўл қўймаслиги керак. Ишбоши бригада таркибига қўшилган янги ишчиларга йўриқнома бериши керак.
71. Иш раҳбарини ёки ишбошини алмаштирганда, ёки бригада таркибининг ярмидан кўпроқ қисми ўзгартириладиган бўлса, наряд янгидан берилиши лозим.


§5. Иш жойини тайёрлашга ва ишлашга рухсат бериш

72. Иш жойини тайёрлаш ва ишлашга рухсат бериш фақат навбатчи ёки бунга ваколати бор шахс томонидан рухсат олинганидан сўнг амалга оширилиши мумкин. ИАЎ ишлашга рухсат бериш тартиби бундан мустасно (ИАЎ ишлашга рухсат бериш тартиби мазкур Қоидаларнинг XIX бобида келтирилган).

73. Рухсат иш жойини тайёрлашни ва ишлашга рухсат берувчи шахсга телефон, радио, чопар орқали ёки яқин ўртадаги подстанция навбатчиси орқали берилади. Бундай рухсатни олдиндан бериш қатъиян ман этилади.
74. Бригадани фақат битта наряд билан ишлашга рухсат берилади.