Электр энергетикада назорат қилиш бўйича давлат инспекцияси ва Ўзбекистон

§3. Қисқа муддатли ва кечиктириб бўлмайдиган ишлар

66. Қисқа муддатли, узоғи билан 1 соатгача давом этадиган ишларни фармойиш бўйича таъмирлаш ходими, навбатчи ёки тезкор таъмирлаш ходими назорати остида, ҳамда навбатчининг ёки тезкор таъмирлаш ходимларнинг ўзлари бажаришига рухсат берилади.

Бундай ишларга қуйидагилар киради:
электр мотор ва бошқа ускуналардан кабел, сим, шиналарни ажратиш ёки улаш;
тақсимлаш қурилмасида релели ҳимоя, автоматика, телемеханика, алоқа, шу жумладан юқори частотали ҳимоя ва алоқа фильтрлари қурилмаларидаги ишлар;
0,4 кВ кучланишли ҲЛ, ҳамда барча кучланишли КЛ ни улаш ва ажратиш, фазировка қилиш, КЛ занжирларининг узилган ёки узилмаганлигини текшириш, трансформатор шаҳобчаларини алмашлаб улаш, ёғ ўлчагич ойнасини ва алоҳидаланган изоляторларни артиш, трансформатор ёғини қуйиш ва намуналарини текширишга олиш, трансформатор ёғини қуритиш ва тозалаш асбобларини улаш ва ажратиш, ҳаво ўчиргичлари манометрларини алмаштириш, электр қурилмадаги ток ўтказувчи қисмларни қизиши ва титрашини текшириш, электр ўлчов омбири билан ўлчаш, электр узатиш линиясига тушиб қолган бегона нарсаларни олиб ташлаш, ҲЛ дан қулаган дарахт, шох-шабба ва бошқаларни олиб ташлаш;
энергетика тизимларида (алоқа ва телемеханиканинг кабелли ва ҳаво линиялари, юқори частотали каналлар, телемеханика ва алоқа қурилмалари) электр қурилмани диспетчерлик ва технологик бошқариш воситаси (кейинчалик  ДТБВ), иссиқлик автоматикаси ва ўлчаш қурилмалари ва каналларини мўътадил ишлашига хавф туғдирувчи, истеъмолчини электр энергия билан таъминлашга хавф солувчи ёки шундай носозликлар пайдо бўлганда уларни бартараф қилиш учун керак бўлган зарур ишлар.
67. 66 бандда қайд этилган ишларни бажариш учун ишчилар сони назорат қилувчи ходим билан биргаликда 3 кишидан ошмаслиги керак.
1000 В кучланишдан юқори электр қурилмада ишлаганда иш бажараётган ёки назорат қилувчи навбатчи ёки тезкор таъмирлаш ходимнинг каттаси электр хавфсизлиги бўйича IV гуруҳга, 1000 В кучланишгача бўлган электр қурилмада иш бажаришда III гурухга эга бўлиши керак. Бригаданинг ыолган аъзолари III эга гурухга бўлиши керак. Истеъмолчи уланган электр тармоқда ишлаганда, ишга истеъмолчи ходим ҳам жалб қилиниши мумкин.
Иш бошлашдан олдин очиқ тақсимловчи қурилмаларда иш жойини арқон билан ўрашдан ташқари, иш жойини тайёрлашга оид барча техник тадбирлар амалга оширилиши керак. Бундай ҳолларда очиқ тақсимловчи электр қурилмада иш жойини арқон билан ўраш шарт эмас.
Мазкур Қоидаларнинг 66 бандида қайд этилган ишларни бажариш 1 соатдан кўп вақт ёки 3 кишидан ортиқ ишчи талаб қилса, у ҳолда ушбу иш наряд билан бажарилиши шарт.