Elektr energetika uskunalariga xizmat ko‘rsatishda yuz bergan baxtsiz hodisalar oqibatida jabrlanganlarga shifokordan oldingi yordam ko‘rsatish bo‘yicha yo‘riqnomani tasdiqlash to‘G‘risida

Jabrlanuvchini HL tayanchidan tushirish
HL tayanchida ishlash vaqtida baxtsiz hodisa yuz berib, jabrlanuvchi behush holatga tushgan
bo‘lsa, uni tezda tayanchdan tushira bilish kerak. Buning uchun HL tayanchida ish olib borayotgan
brigada quyidagi maxsus moslamalar bilan jihozlangan bo‘lishi kerak:
tayanchga mahkamlash uchun moslamasi bo‘lgan bir rolikli blok;
diametri 10 mm.dan kam bo‘lmagan va uzunligi tayanch balandligining ikki barobaridan (20
m. va undan ortiq) uzunroq bo‘lgan ipli yoki kapronli arqon;
ish olib borilayotgan HLning kuchlanishiga muvofiq bo‘lgan elektr himoya vositalari.
Jabrlanuvchini tayanchdan tushirishga mo‘ljallangan blok, doimo ishga tayyor bo‘lishi va
undan arqon o‘tkazilgan bo‘lishi kerak.
Jabrlanuvchini tayanchdan tushirishni boshlaganda, yordam ko‘rsatuvchi odamni elektr toki
urmasligi va uning tepadan tushib ketmasligining oldini olish choralari ko‘rilishi kerak. Elektr toki
urishining oldini olish uchun HL simlarigacha “Elektr uskunalarini ekspluatatsiya qilishda xavfsizlik
texnikasi qoidalari”da belgilangan yo‘l qo‘yilishi mumkin bo‘lgan masofaga rioya qilinishi lozim.
Agar mazkur masofaga rioya qilish imkoni bo‘lmasa, HL kommutatsiya apparati yordamida
o‘chirilishi yoki kuchlanishi 20 kV.gacha bo‘lgan HLga sim otish yo‘li bilan qisqa tutashuv hosil qilib
o‘chirilishi mumkin. Jabrlanuvchining oldiga chiqishda maxsus mexanizmlar (mezana) yoki
tayanchga chiqish uchun moslamalardan (ilgak, tirnoqlardan) foydalansa bo‘ladi. Bunda monterlik
kamari va himoya dubulg‘asidan albatta foydalanish kerak.
Tayanchga chiqayotganda jabrlanuvchini tushirish uchun tayyorlab qo‘yilgan (yig‘ilgan) blokni
birga olib chiqish kerak.
Blok jabrlanuvchining tepasidan tayanchning kontruktiv elementlariga (travers, ilgaklar, va h.)
mustahkam qilib mahkamlanishi kerak. Keyin arqonning bir uchi jabrlanuvchining monterlik
kamariga yoki uning qo‘llari ostidan halqa qilib o‘tkazish kerakki, bunda jabrlanuvchini tushirishda
u doimo tik holatda bo‘lishi va halqaning ichidan chiqib ketmasligi lozim. Arqonning ikkinchi uchi
yerga tushiriladi. Yerga tushirilgan arqonning uchi, tushirish vaqtida sekinlashtirish va
jabrlanuvchini qo‘shimcha shikastlanishining oldini olish maqsadida, tayanchning qandaydir
silindrik bo‘lagi (ustun, ilgak, travers va boshqalar) atrofida 1-2-marta aylantirilishi lozim.
Tayanchga ko‘tarilgan zahoti jabrlanuvchining holatini aniqlash lozim va reanimatsion chora-
tadbirlar o‘tkazish zarur bo‘lsa o‘pkasiga ikki marta puflash, so‘ngra zudlik bilan uni yerga tushirish
kerak. Buning uchun yerda turgan odam arqonni tortib, jabrlanuvchini u osilib turgan tirnoqlardan
(ilgaklardan) va monterlik kamaridan bo‘shatib olish uchun uni bir oz ko‘tarishi lozim. Jabrlanuvchi
tayanchdan bo‘shatib olinganidan so‘ng uni tezlik va ehtiyotkorlik bilan yerga tushirish va birinchi
yordam ko‘rsatishni davom ettirish kerak.