Экскаватор машинисти учун меҳнат муҳофазаси бўйича 11Р – 42 сонли ЙЎРИҚнома I. Хавфсизликнинг умумий талаблари

IV. Авария вазиятларидаги хавфсизлик талаблари

96. Кўтарилиб боришда ёки пастга тушишда двигатель авария ҳолатида тўхтаганда, зудлик билан ишчи тормоз тизими билан шошилинч суратда тормозлаш, экскаватор батамом тўхтаганидан кейин эса тўхтаб туриш тормозини қўшиш ва ковшни ерга тушириш керак.

97. Йўлда мажбурий тўхтаганда транспорт юрадиган қисмидан йўлнинг четига чиқиши ва экскаваторнинг орқасидан 25-30 метр масофада фавқулодда тўхташ белгисини ёки милтилловчи қизил чироқни ўрнатиши керак.
98. Авария вазиятида ёки бахтсиз ҳодиса рўй берганда экскаватор машинисти ишни тўхтатиши, бевосита раҳбари ёки бошқа мансабдор шахсни хабардор қилиши ва хавфсизликнинг керакли чораларига риоя қилган ҳолда уни бартараф этиш чораларини кўриши шарт.
99. Ишлаб чиқаришдаги бахтсиз ҳодиса, йўл-транспорт ҳодисаси (ЙТҲ) оқибатида жабр кўрганлар (жароҳат олганлар) мавжудлигида:
- жабрланганларнинг организмига зиён етказаётган, соғлиғи ва ҳаётига хавф туғдираётган (электр токи таъсиридан, ходимларни босиб, қисиб қолган предметлардан озод қилиш, ёнаётган кийимини ўчириш ва ҳ.к.) омиллар таъсирини бартараф қилиш;
- жабр кўрганга биринчи (шифокоргача бўлган) тиббий ёрдамни кўрсатиш (оқаётган қонни тўхтатиш, боғлаб қўйиш, нафас олиш йўлларининг ўтказиш қобилиятини тиклаш, сунъий нафас олдириш, юракни ташқи массаж қилиш ва ҳ.к.);
- воқеа содир бўлган жойга тиббиёт ходимларини чақириш ёки жабр кўрганни тиббиёт пункти ёки даволаш муассасасига етказиш бўйича чораларни кўриш;
- бахтсиз ҳодиса ҳақида ишлар раҳбарига хабар бериш;
- агарда бу атрофдаги одамларнинг ҳаёти ва соғлиғига хавф туғдирмаса ва авариянинг ривожланишига олиб келмаса, иложи борича ҳодиса рўй берган жой ва экскаватор ҳолатини авария пайтидаги ҳолатда сақлаб қолиш.
100. Ёнғин пайдо бўлган пайтда:
- экскаваторни тўхтатиш, ёнғин ҳақида ёнғиндан сақлаш хизматини, бевосита ишлар раҳбарини хабардор қилиш ва бирламчи ўт ўчириш воситалари ёрдамида (ўт ўчиргич, қум, брезент, кигиз билан) ёнғинни ўчиришга киришиш керак.
101. Бахтсиз ҳодисага олиб келган йўл-транспорт ҳодисасига (одамларга келиб урилиш ёки бошқа транспорт воситаси билан тўқнашишга) алоқадор бўлган экскаватор машинисти зудлик билан ДЙҲХХ (Давлат йўл ҳаракати хавфсизлиги хизмати) органлари, ишлар раҳбари ёки диспетчерга хабар бериши, жабрланганларга биринчи (шификоргача бўлган) тиббий ёрдамни кўрсатиши, агарда бу атрофдагилар учун хавф туғдирмаса ДЙҲХХ ходимлари етиб келгунча ҳодиса (авария) ҳолатини ўзгаришсиз сақлаб туриш чораларни кўриши керак.