Экскаватор машинисти учун меҳнат муҳофазаси бўйича 11Р – 42 сонли ЙЎРИҚнома I. Хавфсизликнинг умумий талаблари

V. Иш тугаганидан кейинги хавфсизлик талаблари

102. Иш тугаганидан кейин экскаватор машинисти қуйидагиларга мажбур:

- экскаваторни ишлаган жойидан 2 метрдан кам бўлмаган хавфсиз масофага кўчириш;
- стрелани экскаваторнинг ўқи бўйлаб буриш;
- ковшни ерга тушириш ва бурилиш платформасини тормозлаб қўйиш;
- двигателни ўчириш ва бошқариш пишангларини нейтрал ҳолатга қўйиш;
- экскаваторни чангдан, лойдан, оқиб чиқаётган сурков мойидан тозалаш ва унинг механизмлари ҳолатини кўриб чиқиш;
- аниқланган носозликларни бартараф этиш.
103. Махсус кийим, пойафзал ва бошқа якка тартибда ҳимояланиш воситаларини тозалаш, уларни сақлаш учун белгиланган жойга олиб қўйиш.
104. Иш сменали бўлганда, сменани қабул қилувчи экскаватор машинисти, экскаваторнинг техник ҳолати тўғрисида, пайдо бўлган носозликлар тўғрисида маълумот олиши ва уларни бартараф этиш учун чоралар кўриши керак.
105. Иш вақтида кўриб қолган ва аниқланган барча нуқсонлар, носозликлар тўғрисида механикни ёки экскаваторнинг бехатар ишлашига жавобгар бўлган бошқа шахсни хабардор қилиб қўйиши.
106. Экскаваторни кейинги смена машинистига топшириш ёки кабинани қулфлаб бекитиб қўйиш.
107. Қўл ва юзни совун билан илиқ сувда ювиш ёки душ қабул қилиш.
108. Тери қопламалари ва якка тартибда ҳимояланиш воситаларини тозалаш учун керосин ёки бошқа заҳарли нефть маҳсулотларини қўллашга рухсат этилмайди.
109. Сменадан кейинги тиббий кўрикдан ўтиш, йўл варақасини диспетчер ёки масъул шахсга топшириш.