Экология ҳуқуқи предмети, методи ва тизими

6-масала
Тошкент шаҳар Чилонзор тумани 4-дахаси, 3 уйда истиқомат қилувчи фуқаролар туман ҳокимлигига шикоят билан мурожаат этдилар. Шикоятда, фуқаролар “табиатни муҳофаза қилиш тўғрисида”ги қонунда белгиланган вазифалар ҳокимлик томонидан бир неча йиллардан бери бажарилмаетганлигини маълум қилиб, уларга етказилган зарарни қоплаш масаласини қўйган.
Ҳокимият вакиллари жойга чиқиб, 3-уй атрофи ифлосланиб кетганлигига, анти-санитария ҳолатлари авж олганликларига ва фуқаро саломатлигига жуда ҳам катта зарар етказиши мумкин бўлган кимевий моддалар ишлаб чиқарадиган цех курилганлигига гувоҳ бўлдилар.
Фуқаролар мурожаатига жавобан, ҳокимлик мазкур ҳолатларга қонун бўйича жавоб бермаслигини, шундай экан “Фуқароларни мурожаати тўғрисида”ги қонунига асосан, тегишли органларга мурожаат этишни маслаҳат берди.
– Айтингчи, туман ҳокимлик ҳаракати қонунийми?
– Юрист сифатида фуқароларга, амалий юридик ёрдам кўрсатинг ва ердамингизни барчасини ёзма ҳисобот шаклида топширинг.


7-масала
Меҳмонхона қуришда, қурувчилар томонидан пойдевор асосини тозалаш учун 8 та кўп йиллик чинор дарахти кесилган, пойдевор учун чуқур қазилгач, қум Чирчиқ дарёси бўйига ташланган. Пойдевор остида ер ости минерал сувлари тўпланиб қолган. Қурилиш ишлари пайтида яна атмосфера ҳавоси ифлосланишига ҳам йўл қўйилган.
Қурилиш давом этаётган даврда қурилиш жараёнига табиатни муҳофаза қилиш органлари ходимлари аралашишган.
– Юзага келган вазиятни батафсил таҳлил қилинг.
– Масалада санаб ўтилган муносабатлар қайси норматив-ҳуқуқий ҳужжатлар билан тартибга солинади?
– Масалани давомини норматив-ҳуқуқий ҳужжатлар асосида давом эттириб, мазмунан тугатинг.


8-масала
Фермер хўжалиги раҳбари ўз ходимларига фермер хўжалиги экин майдонларини қўшимча суғориш учун фермер хўжалиги яқинидан ўтадиган, Бекобод шаҳри ҳудудига тегишли каналдан ариқ қазишни буюрди.
– Фермер хўжалиги шаҳар каналларидан фойдалана оладими?
– Фермер хўжалиги раҳбари бу хатти-ҳаракати билан шаҳар табиатига қандай зарар етказмоқда?
– Бу хатти-ҳаракат учун қайси қонун ҳужжатида ва қандай жавобгарлик кўзда тутилган?
– Масалани ҳуқуқий ечимини топинг.