Экология ҳуқуқи предмети, методи ва тизими

Аҳоли пунктларида атроф табий муҳитни ҳуқуқий муҳофаза қилиш

Фаннинг ушбу мавзусида талабага Ўзбекистон Республикаси экологик сиёсатида аҳолининг экологик хавфсизлигини таъминлаш масалалари, шаҳарлар ва аҳоли яшайдиган жойларда атроф табиий муҳитни муҳофаза қилишнинг хусусиятлари, шаҳарлар ва аҳоли яшайдиган жойларда атроф табиий муҳитни муҳофаза қилиш ва табиий ресурслардан фойдаланиш юзасидан давлат бошқаруви, шаҳар ва аҳоли яшайдиган жойлар ерларининг ҳуқуқий ҳолати, шаҳарларда атроф табиий муҳитни ифлослантиришдан, шовқиндан ва бошқа зарарли физик, кимёвий ва биологик таъсирлардан ҳуқуқий муҳофаза қилиш, атроф табиий муҳитни муҳофаза қилиш ва табиий ресурслардан оқилона фойдаланиш юзасидан маҳаллий ҳокимият органларининг ваколатлари, атроф табиий муҳитни муҳофаза қилиш ва табиий ресурслардан оқилона фойдаланиш талабларини бажармаганлик учун юридик жавобгарлик каби маълумотлар етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
Тошкент шаҳар Собир рахимов тумани “Олмазор” МФЙ раиси фуқаролар номидан “Тошавтойўлхизмат” корхонасига маҳалла ҳудудидан ўтган барча йўлларни реконструкция қилиш кераклиги билдириб, реконструкция қилинаётганда экологик норма ва талабларга риоя этилишини инобатга олишлигини талаб қилди.
“Тошавтойўлхизмат” корхонаси маълум бир вақт ўтганидан сўнг “Олмазор” МФЙ мурожаатига жавоб қилиб, қўйидагиларни маълум қилди:
“Олмазор” МФЙ ҳудудида жойлашган йўллар ички хўжалик йўллари бўлганлиги учун уларнинг корхонаси томонидан реконструкция ишлари олиб борилиши мумкин эмаслигини билдирди, вахоланки экологик норма ва талабларни ҳам ўзлари бажариши кераклиги айтиб ўтди.
Собир рахимов тумани “Олмазор” МФЙ “Тошавтойўлхизмат” корхонаси устидан шикоят қилиб Тошкент шаҳар Прокуратурасига мурожаат қилди.
– Айтингчи, аҳоли яшаш жойидаги экологик норма ва талабларни бузилмаслигига МФЙ жавоб бўла оладими ёки йўқми?
– Прокуратура аризаси ўрганиб қандай қарор қабул қилиши мумкин?