Экология ҳуқуқи предмети, методи ва тизими

Саноат, транспорт, қишлоқ хўжалиги, энергетика ва
бошқа тармоқларда атроф табиий муҳитни ҳуқуқий муҳофаза қилиш

Талаба мазкур мавзуда саноат, транспорт, энергетика ва бошқа хўжалик тармоқларида табиий ресурсларидан фойдаланиш ва муҳофаза қилишнинг ҳуқуқиий ҳолати тушунчаси ва хусусияти, саноатда атроф табиий муҳитни ҳуқуқий муҳофаза қилиш, транспортда атроф табиий муҳитни ҳуқуқий муҳофаза қилиш, қишлоқ хўжалигида атроф табиий муҳитни ҳуқуқий муҳофаза қилиш, энергетикада атроф табиий муҳитни ҳуқуқий муҳофаза қилиш, қурилиш объектлари ва бошқа халқ хўжалиги объектларини фойдаланишга топшириш, режалаштириш, лойиҳалаш, жойлаштириш ва фойдаланишда экологик хавфсизлик, саноат, транспорт, энергетика ва бошқа хўжалик тармоқларида табиий ресурсларидан фойдаланиш ва муҳофаза талабларини бажармаганлик учун жавобгарлик чоралари тўғрисида маълумотларга эга бўлади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.
1-масала
Тошкент шаҳри чеккасида жойлашган “кимЁСАНОАТ” кимё заводи атрофи вақт ўтиши билан аҳоли итиқомат қиладиган ҳудуд марказига айланиб қолди. Завод фаолияти натижасида аҳоли истиқомат қиладиган ҳудудларга катта миқдорда чанг ва газ чиқиб ушбу ҳудуд атмосфера ҳавосини ифлослантирди.
Ҳолатни кўриб чиқиш учун махсус мутахассислардан иборат комиссия тузилди.
Мутахассислардан иборат комиссия завод тозалаш қурилмалари тубдан янгиланиши ва реконструкция қилиниши лозимлиги тўғрисида хулосага келди.
– Амалдаги қонунчиликка мувофиқ, атроф табиий муҳитни муҳофаза қилиш бўйича қандай чоралар кўрилиши мумкин ҳамда бундай ваколатга қайси органлар эга?


2-масала
Фарғона вилоятидаги “КРОНА” заводи ифлослантирувчи ва зарарли моддаларни тозаловчи мукаммал қурилмалар тизимига эга бўлиб, у ёки бу саноат ишлаб чиқариш жараёнларини тезлаштириш мақсадида тозалаш қурилмалари фаолиятини тўхтатиб турган.
Режавий ўтказилган текширув натижасида завод тозалаш қурилмалари ўчирилганлиги аниқланган, завод раҳбариятининг тушинтиришича, тозалаш қурилмаларини ўчириш электр энергиясини тежаш мақсадида амалга оширилган.
– “КРОНА” заводининг атроф табиий муҳитни муҳофаза қилиш бўйича ҳуқуқ ва мажбуриятлари нималардан иборат?
– Ташкилотларнинг атроф табиий муҳитни муҳофаза қилиш фаолиятини иқтисодий рағбатлантириш чоралари нималардан иборат?