Экология ҳуқуқи предмети, методи ва тизими

3-масала
“ДАЙДЖЕСТ” кўп тармоқли корхонаси чет элдан инвестиция шаклида ускуна олиб келиб, оғир металлургия учун зарур бўлган металл маҳсулоти ишлаб чиқаришни йўлга қўйган.
Ишлаб чиқариш республика саноати учун жуда ҳам катта хисса қўшди десак муболаға бўлмайди, лекин, мазкур корхонадан чиқадиган чиқиндилар табиат, атроф муҳит учун жуда ҳам катта зарар етказмоқда.
Шуларни инобатга олиб, тегишли табиатни муҳофаза қилиш органи корхона фаолиятини тўхтатиш бўйича таклиф билан вилоят ҳокимиятига мурожаат қилган. Лекин, вилоят ҳокимиятидан, корхона вилоят учун жуда ҳам катта молиявий манба бўлганлиги учун салбий жавоб олинган.
Бу ҳолда табиатни муҳофаза қилиш органи вилоят ҳокимияти ва “ДАЙДЖЕСТ” кўп тармоқли корхонаси устидан судга муржат қилган.
– “ДАЙДЖЕСТ” кўп тармоқли корхонаси, республика учун жуда ҳам катта даромад олиб келаетган бўлса, лекин шу билан бир қаторда табиатга зарар етказса, бундай корхоналар фаолият юритиши мумкинми?
– Ўзингизни судья ўрнига қўйиб, мазкур низони холисона ва ҳар томонлама кўриб чиқиб қонуний қарор қабул қилинг.
4-масала
Чорбоғ туман ҳокимияти томонидан “Ахли” деҳқон хўжалигига тумандаги қишлоқ хўжалиги ерлар тоифасига кирадиган 0,5 гк ер участкаси берилган. “Ахли” деҳқон хўжалиги ер участкасини олиб, қишлоқ хўжалик маҳсулотларини етиштиришни бошлаганда, туман электр тармоқлари корхонаси, “Ахли” деҳқон хўжалиги раҳбарига келиб, ер участкаси қишлоқ хўжалиги маҳсулотлари етиштириш учн берилиши мумкин эмаслигини, чунки бу ердан катта кучдаги электр энергияси ўтган трансформатор жойлашганлигини ва бу ер алоқа мақсадларига берилиши кераклигини, инсон соғлиғи учун зарарлигини билдирди.
“Ахли” деҳқон хўжалиги бу ҳолатдан норози бўлиб, судга мурожаат қилганда, суд даъво аризасини қаноатлантирмасдан, ер участкасини бериш тўғрисидаги қарорни бекор қилган.
– “Ахли” деҳқон хўжалиги судга мурожаат қилганда қандай норматив-ҳуқуқий ҳужжатга таянган?
– туман электр тармоқлари корхонаси нима сабабдан ушбу ерни бошқа мақсадлар учун мўлжалланган деган хулосага келган?
– Суд тўғри қарор қабул қилганми ёки йўқми?
– “Ахли” деҳқон хўжалигига ҳуқуқий маслахат беринг.