Экология ҳуқуқи предмети, методи ва тизими

2-масала
Ўрмон хўжалиги бош бошқармаси томонидан Сирдарё вилояти ҳудудида ўрмонлардан оқилона фойдаланиш даражасини текшириш бўйича тадбир ўтказилганда, “Сирдарё-ўрмон” хусусий корхонаси ўрмон хўжалигини мустақил тарзда юритаётганлиги аниқланди.
Ўрмон хўжалиги бош бошқармаси ўрмон хўжалигини мустақил тарзда юритиш мумкин эмаслигини билдириб, ўрмондан фойдаланиш тўғрисидаги ҳужжатларни талаб қилганда “Сирдарё-ўрмон” хусусий корхонаси давлат ўрмон фондининг унга Сирдарё вилояти ўрмон хўжалиги бошқармаси томонидан доимий фойдаланишга берилганлигини тасдиқловчи ҳужжатни тақдим этди.
Ўрмон хўжалиги бош бошқармаси давлат ўрмон фонди участкасини хусусий корхонага доимий фойдаланишга бериш мумкин эмаслиги билдириб, Сирдарё вилояти ўрмон хўжалиги бошқармаси томонидан берилган ҳужжатни бекор қилди.
Мазкур қарордан норози бўлган “Сирдарё-ўрмон” хусусий корхонаси Ўрмон хўжалиги бош бошқармасини Тошкент шаҳар хўжалик судга берди.
– “Сирдарё-ўрмон” хусусий корхонаси судга мурожаат қилганда қайси қонун ҳужжатига асосоан, ўзини ҳақ деб ҳисоблаган?
– Суд қандай қарор қабул қилади?
– Суд қарори ёзма шаклда ёзиб, тайёрланг.
3-масала
Ўрмон қўриқчилигининг мансабдор шахслари фуқаролар Р.Вайбасинов ва Т.Тошматовларни, ўрмондан дам олиб қайтаётганларида, ўзлари билан бўлган, ўрмон маҳсулотлари (қўзиқорин, дарахт новдалари, томирлари ва ҳ.к.)ни улар юкланган автоулов билан биргаликда, қонунга хилоф равишда қўлга киритилган ўрмон маҳсулотини ҳамда уни қўлга киритиш воситаси сифатида олиб қўйишган, ҳолат юзасидан баённома тузиб, судга мазмунан кўриб чиқиш учун юборишган.
Судда фуқаролар Р.Вайбасинов ва Т.Тошматовлар ҳеч қандай қонун бузарликни содир этмаганликларини айтиб ўтиб, ўрмон қўриқчилигининг мансабдор шахслари уларни ноқонуний тўхтатиб, ўз ваколатларини суиистеъмол қилиб, уларга нисбатан ноқонуний ҳаракат қилишганлигини баён қилишди ва уларни жавобгарликдан озод этиб ўрмон қўриқчилигининг мансабдор шахсларига нистабан чора кўришни сўрашди.
– Айтингчи, бу ҳолатда ўрмон қўриқчилигининг мансабдор шахслари ўз ваколатларини суиистеъмол қилганлиги қайси қонун ҳужжатига асосан намоён бўлмоқда?
– Фуқаролар Р.Вайбасинов ва Т.Тошматовлар хатти-ҳаракатида қандай қонун бузилиши аломати мавжуд?
– Суд қандай қарор қабул қилади?