Экология ҳуқуқи предмети, методи ва тизими

Ўсимлик дунёсидан фойдаланиш ва муҳофаза
қилишнинг ҳуқуқий ҳолати


Талаба мазкур мавзуда Ўзбекистон Республикаси экологик сиёсатида ўсимлик дунёсидан фойдаланиш ва муҳофаза қилишнинг ҳуқуқий масалалари, ўсимлик дунёсидан фойдаланиш ва муҳофаза қилишнинг ҳуқуқий ҳолати тушунчаси, ўсимлик дунёси объектларидан фойдаланиш турлари, ўсимлик дунёси объектларидан фойдаланувчиларнинг ҳуқуқ ва мажбуриятлари, ўсимлик дунёси объектларидан фойдаланиш ҳуқуқини ҳимоя қилишнинг чора-тадбирлари, ўсимлик дунёси тўғрисидаги қонунчиликни бузганлик учун юридик жавобгарлик тўғрисида маълумотларга эга бўлади.
Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.


1-масала
Жиззах вилояти ҳудудида жойлашган ўрмонда фуқаро Р. ўз оиласи билан дам олиш учун бориб, озиқ-овқатбоп ўсимликлар ва мевалардан ўз шахсий эҳтиёжлари учун йиғишади. Ўрмон қўриқчиси фуқаро Р.дан ўрмон ўсимликларидан фойдаланиш учун рухсатнома талаб қилади ва у ўз оиласи билан фақат дам олиш учун келганлигини ҳамда ўрмон ўсимлик ва меваларидан фойдаланиш учун ҳақ тўлаши лозимлигини таъкидлайди.
– Ўрмон қўриқчисининг талаблари қонунийми?
– Фуқаролар ўрмонларда бўлган вақтларида ўрмон ўсимликлари ва меваларидан ўз эҳтиёжлари учун фойдаланишлари мумкинми?
– Ўрмонларда бўлиш мобайнида фуқароларнинг мажбуриятлари нималардан иборат?


2-масала
Бухоро вилоятида жойлашган ўрмон фонди ери ушбу вилоят ҳокими қарори билан давлат ва жамоат эҳтиёжи учун ушбу ўрмон фонди еридан махсус фойдаланишни амалга оширувчи ўрмон хўжалиги эгалигидан олиб қўйилади. Ушбу ўрмон хўжалиги вилоят ҳокими қароридан норози бўлиб, вилоят хўжалик судига даъво аризаси билан мурожаат қилади.
– Вилоят ҳокимининг қарори қонунийми?
– Ўрмон фонди ерлари давлат ёки жамоат эҳтиёжлари учун олиб қўйиш асосида ўрмондан фойдаланиш ҳуқуқи тугатилиши мумкинми?