Экология ҳуқуқи предмети, методи ва тизими

Ҳайвонот дунёсидан фойдаланиш ва муҳофаза
қилишнинг ҳуқуқий ҳолати

Талаба мазкур мавзуда ҳайвонот дунёси ҳуқуқий муҳофаза ва фойдаланиш объекти сифатида, Ўзбекистон Республикасининг ҳайвонот дунёсидан фойдаланиш ва муҳофаза қилишга оид қонун ҳужжатлари, фауна ҳуқуқий муносабатларининг объекти, субъекти, мазмуни, ҳайвонот дунёсидан фойдаланиш ва муҳофаза қилишда давлат бошқаруви, ҳайвонот дунёсидан фойдаланиш ва муҳофаза қилишни режалаштириш, ҳайвонот дунёси рўйхатларини юритиш ва давлат ҳисобини олиб бориш, ҳайвонот дунёсидан фойдаланиш юзасидан давлат назорати, ҳайвонот дунёсидан фойдаланиш ҳуқуқи ва унинг турлари, ов қилишнинг ҳуқуқий ҳолати. Балиқ овлашнинг ҳуқуқий ҳолати, ҳайвонот дунёсидан илмий-тарбиявий ва эстетик мақсадларда фойдаланишнинг ҳуқуқий ҳолати, ҳайвонот дунёсидан фойдаланиш ва муҳофаза қилиш бўйича низоларни ҳал қилиш, ҳайвонот дунёси тўғрисидаги қонунчиликни бузганлик учун юридик жавобгарлик тўғрисида маълумотларга эга бўлади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.

1-масала
Фуқаро Ж.Бекмаматов бўстонлиқ туманининг тоғли ҳудудида ов қилиш учун ўрнатилган тартибда рухсатнома олиб, ов қилаётганида, ов қилиш учун магнитофонни ишлатаётганлиги учун, унга нисбатан табиатни муҳофаза қилиш органлари ходимлари томонидан 100 000 сўм қўлланилган.
Фуқаро Ж.Бекмаматов жарима тўламасдан, ўзини ҳақ деб ҳисоблаб, судга мурожаат қилган.
Чунки, фуқаро Ж.Бекмаматов, табиатни муҳофаза қилиш органлари, уни орқасидан пойлаб юриши мумкин эмас деган хулосага келган ва магнитофонда мусиқа қўйиб ов қилиш ҳеч қандай қону ҳужжатига хилоф эмаслигини билдирган.
– Айтингчи, табиатни муҳофаза қилиш органлари ходимлари тўғри қарор қабул қилишганми?
– Мазкур ишни ҳар томонлама, холисона, моддий ва процессуал ҳуқуқ нормаларини бузмасдан судья сифатида ҳал қилинг.
– Фуқаро Ж.Бекмаматовга адвокат сифатида юридик ёрдам кўрсатинг.