Экология асослари ва табиатни муҳофаза қилиш (Ўқув- услубий қўлланма) наманган-2011 Ўзбекистон республикаси

Ўзбекистон Республикасида экологик вазиятни комплекс баҳолашнинг солиштирма натижалари
14-жадвал

Экологик зоналар	Ҳудуд, минг га	ш.ж, -суғори- ладиган ерлар	Аҳоли, минг киши	Маъмурий туманлар сони, бирл. (республи- ка ва вилоят тасарру- фидаги шаҳарлар)
0 - қулай экологик вазиятли	11,8	1,6	10,8	95
1 - критик экологик вазиятли	16,1	1,8	9,4	89
2 - фавқулодда экологик вазиятли	12,9	0,7	2,8	32
3 - экологик офат	3,7	12,9 минг га	27,8 минг киши	1
Жами Ўзбекистон Республикаси бўйича	44,5	4,3	23,0	217

Шу тариқа тизимли кузатувлар олиб бориладиган, танланган экологик индикаторлар билан экологик вазиятни баҳолаш олиб борилиши умуман водий ва унинг алоҳида минтақалари бўйича экологик вазиятни ягона тизим бўйича мажмуали баҳолаш ҳамда энг экологик танг минтақалрини аниқлаш имконини беради.


САВОЛЛАР ВА ТОПШИРИҚЛАР

1. 
   Аҳоли сони ўсиши ва озиқ-овқат муаммосини ҳал қилиш мумкинми?
   
2. 
   Аҳоли сонини ўсишининг атроф-муҳитга қандай таъсири бор?
   
3. 
   Урбанизация оқибатида шаҳарлар табиий компонентларида қандай ўзгаришлар рўй беради?
   
4. 
   Урбанизациянинг инсон саломатлигига таъсири қайси омиллар билан боғлиқ?
   
5. 
   Шаҳарлардаги экологик вазиятни соғломлаштириш учун қандай тадбирлар қўлланилиши лозим?
   

VI.2. ЭКОЛОГИК ТАЪЛИМ ВА ТАРБИЯ — ТАБИАТНИ МУҲОФАЗА ҚИЛИШНИНГ МУҲИМ ОМИЛИ
Экологик таълим ва тарбия тўғрисидаги дастлабки оддий тушунчалар ўрта мактабда бошланади. Мактабдз ўтиладиган назарий экология биология фанлари асосида ўқитилиб, ўқувчиларни меҳнат фаолиятига тайёрлаш, ташқи муҳитни эҳтиёткорлик билан муҳофаза қилувчилар этиб тарбиялаш ишига ёрдам бериши керак. Олий мактабларда экология таълими табиат муҳофазаси масала-ларининг илмий асосларини чуқур ва ҳар томонлама ўрганишга, инсон фаолияти натижасида биосферада рўй бераётган ҳодисаларнинг сабаб ва қонуниятларини таҳлил этиш (мақсадларига қаратилган. Шу билан бир қаторда, у талабаларни мактабларда экология асослари ва табиат муҳофазаси таълимини ўқитишга тайёрлашни ҳам назарда тутади.