Экология асослари ва табиатни муҳофаза қилиш (Ўқув- услубий қўлланма) наманган-2011 Ўзбекистон республикаси

Стратосфера —тропосферадан юқори, 8—16 км дан 45—55 км баландликкача бўлган атмосфера қатлами.
Стенобионт — тор доирада ташқи муҳитга мослашган организм.
Субдоминант—иккинчи даражадаги қаватларда ҳукмронлик қилувчи ўсимлик ёки ҳайвон тури.
Сукцессия—Ер шарининг муайян майдонларидаги экосистемаларнинг кетма-кет алмашиниши.
Сциофит — соясевар ўсимликлар; ўрмондаги дарахтлар тагида ўсувчи ўсимликлар.
Табиий ре сурслар —жамиятнинг моддий, илмий ва маънавий эҳтиёжларини қондириш учун ишлаб чиқаришда фойдаланилаётган ёки фойдаланиш мумкин бўлган табиий объектлар, жараёнлар.
Терморегуляция—иссиқ қонли ҳайвонларнинг тана ҳарорати доимийлигини таъминловчи физиологик-биокимёвий жараёнлар йиғиндиси.
Фитоценоз— Ер юзининг бир хил майдонида яшаётган ўсимликларнинг ҳар қандай йиғиндиси бўлиб, улар ўзаро ҳамда ташқи муҳит билан алоқада бўлади: натижада махсус фитомуҳитни ҳосил қилади..
Фотопериодизм—кун ва туннинг алмашиниши, организмлар ҳаёт жараёнлари жадаллигининг ўзгаришларл.
Циркан —эндоген йиллик биомаромлар.
Ценопопуляция — жамоадаги айрим тур индивидларнинг йиғиндиси.
Эврибионт — ташқи муҳитнинг кенг доирадаги ўзгаришларига мослашган организм.
Эдафик омил —тирик организмлар ҳаётига тупроқ ва грунт шароитларининг таъсири.
Эдификатор—экосистемаларнинг тузилиши ва фаоллик кўрса тишида муҳим роль ўйновчи ўсимлик ёки ҳайвон тури.
Экологик валентлик — организмларнинг ташқи муҳит омиллари таъсирига бардош бериш чегараси.
Экониша — биоценозда организмнинг тутган ўрни; унинг бошқа турлар билан алоқаси ва биотопга бўлган талаби.
Экологик пирамида - экосистемадаги продуцентлар, консументлар ва редуцентларнинг масса, сон ёки энергия бирликларида график тарзда ифодаланган ўзаро нисбатлари.
Экологик омил — тирик организм мосланиш характерига жавоб берадиган ташқи муҳитнинг ҳар қандай унсури.
Унинг абиотик, биотик ва антропоген турлари ажратнлади.