Ehtiromdan boshlangan ijod

JIGARLARIM BOR!
Bu dunyoda kamarbasta, jasur otam bor,
Mard otamga yelkadosh aziz onam bor.
Sarson paytlarimda menga yelkadosh,
Tirgak bo’lib turgan jigarlarim bor!
Ko’zda yoshim artar bittasi,
Xatolarim aytar bittasi.
Men uchun jonidan kechar bittasi,
Onamdek qadrdon jigarlarim bor!
Meni deb qon yutib, zahar ichadi,
Meni deb chiroyli kiyim bichadi.
Men uchun hatto jondan kechadi,
Mehribon, qadrdon jigarlarim bor!
Dunyoning sinovlarin men uchun yenggan,
Men uchun dunyoning dushmanin yenggan.
Har doim men uchun bag’rin keng qilgan,
Mana man degan necha jigarlarim bor!
Meni deb kulgan-u ichda yig’lagan,
O’z bag’rini ming bor tig’lagan.
Tunlari o’ylanib, sarson bo’zlagan,
Necha qaro ko’zli jigarlarim bor!
Yig’lamayman, nechun yig’lashim kerak,
O’z bag’rimni nega tig’lashim kerak.
Begonalarga nechun bo’zlashim kerak,
Axir qo’lim tutgan jigarlarim bor!
Kimman degan savol qiynaydi meni,
Shu savol bag’rim tig’laydi meni.
Sen mening jigarim deguvchi necha,
Hozirjavob necha jigarlarim bor!
A’za tutsam bo’ladi hamdard,
Menga tekkizmaydi, hatto bitta gard.
O’z ichini yeydi, tegsa menga dard,
Darding olay degan jigarlarim bor!
Xato qilsam xatoyim tuzatar ular,
Kayfiyatim yo’q bo’lsa yupatar ular.
Mayin qo’l bilan choy uzatar ular,
Sirdoshingman degan jigarlarim bor!
Dunyoning mehrini bera oladi,
Mehrni qalbimga zumda soladi.
Bemor bo’lsam ko’nglim oladi,
Jonim beray degan jigarlarim bor!

HOLAJONLARIM!
Bu dunyo bunchalar bo’lma berahm,
Onani farzanddan ayirma axir.
Shu kunlarni ko’rib bu ikki ko’zim,
Sizning mehringizla yasharman o’zim.
Siz borsiz bordir bu yurak qurg’ur,
Sizdan oldin yig’lagay, bo’lsangiz ma’yus.
Bu dunyo ichra tanho yetti yuz,
Sizlarning ta’rifingizga dunyoda kam so’z.
Yig’lasangiz men sizga dastro’mol bo’lay,
Kulsangiz labingizdagi bir shabnam bo’lay.
Qoqilmang, qoqilmang qo’lingizga hassalar bo’lay,
Siz uchun shodon bir lahza bo’lay.
Kechiring dilingiz og’ritgan bo’lsam,
Bu qaro ko’zlardan yosh to’kkan bo’lsam.
Siz omon bo’lingiz, mayli men o’lsam,
Siz yig’lamang, gar men yig’lab qolsam.
Siz hech qachon bag’ringiz tig’la o’ymangiz,
Hayotingiz qismatga berib qo’ymangiz.
Bu baytim deb tim-tim yoshlar to’kmangiz,
Hech qachon mag’rur boshni egmangiz.