Ehtiromdan boshlangan ijod

BIRINCHI KITOBIM – NURLI OFTOBIM!
EHTIROMDAN BOSHLANGAN IJOD


Abduraimov Yorqinjon To’lqinjon o’g’li 2003 yil 4 mart kuni tug‘ilgan. Xozirda O’zbekiston tumani 57-umumiy o‘rta ta’lim maktabining 10-sinfida a’lo baholarga o‘qiydi.
Bo‘sh vaqtlarida she’rlar va hikoyalar yozishga qiziqadi. Bundan tashqari san’at yo’nalishidan teatrga qiziqadi. Yosh shoir Yorqinjon Abduraimov xozirgi kunda Fag’ona viloyati Qo’qon shahar hokimligi madaniyat bo’limi qoshidagi O’zbekiston xalq artisti Z.Mirzatov nomli Xalq teatrida bir qancha spektakllarda bosh ro’llarni o’ynab kelmoqda.
Yorqinjon Abduraimovning she’rlarini o‘qib yuqoridagi xulosam yanada mustahkamlandi. Uning mu’tabar adabiyotga va onaga samimiy ehtiromi yozgan sherlarida yaqqol namoyon bo’lgan.
Adabiyot hamisha inson ko‘nglini kashf etishda muhim vosita bo‘lgan. Ijodkor bir umr o‘z ko‘nglining tasvirini chizib yashaydi. Tuyg‘ular so‘zga ko‘chgani sari ko‘ngil suvrati yorqinlashib, tiniqlashib boradi. Bu suvratni to‘la-to‘kis ado etish uchun ba’zan umr etmaydi. Lekin har yangi she’r suvratning muhim bir bo‘lagi shakllanishiga asos bo‘ladi.
Adabiyot ko‘ngilni nafaqat tadqiq etadi, balki unga ezgulik, umid, quvonch bag‘ishlaydi. O‘zgaga quvonch ulashish orqali inson o‘z ko‘nglini ziynatlab boradi.
Muhtaram Prezidentimiz Shavkat Mirziyoyev ijtimoiy, ma‘naviy-ma‘rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbusni ilgari surgan edilar. Ushbu tashabbusning To‘rtinchi tashabbusi – yoshlar ma‘naviyatini yuksaltirish, ular o‘rtasida kitobxonlikni keng targ‘ib qilish bo‘yicha tizimli ishlarni tashkil etishga yo‘naltirilgan. Shuni inobatga olgan xolda Yorqinjon Abduraimov o’zining ilk she’rlar to’plamini namoyish etmoqda.
Yosh ijodkor Yorqinjon Abduraimovga ijod yo‘llarida ulkan muvaffaqiyatlar tilaymiz.


2017 yil “Yoshlar ittifoqi” mukofoti sovrindori