Ehtiromdan boshlangan ijod

MIRZO ULUG'BEK
Osmon ilmini o'rgangan,
Mirzo Ulug'bek bo'ladi.
Ilmning barcha fanlarin,
Juda yaxshi biladi.
Teleskop o'rnatib,
Rasatxona qurdirgan.
Samarqandni dunyoga,
Juda mashhur aylagan.
Mamlakatni juda ham,
Oqilona boshqargan.
O'zining xalqi uchun,
O'z jonini kuydirgan.
Xalqi uni sevgan ham,
Ardoqlab, ulug'lagan.
Shuning uchun nomini,
Tarixga muxrlagan.
YAGONAM O'ZING
Yagonam o'zing,
Bir donam o'zing.
Onam kabi mo'tabar,
Vatanim mening.
Senda o'sib ulg'ayib,
Kamol topganman.
Onam mehriga to'yib,
Katta bo'lganman.
Endi sening ishonching,
Oqlayman kelajakda,
Sening obro'ying men ham,
Ko'taraman albatta.
Toshkent, Farg'ona kabi,
Viloyatlaring ham bor.
Qo'qon, Xiva, Nukusdek,
Go'zal shaharlaring bor.
Bobur, Ulug'bek kabi,
Bobolarimiz bordir.
O'bro'yingni ko'tarish,
Bizlar uchun shiordir.
Men ham ajdodlarim kabi,
Vatanim asragayman.
Ona yerim tuprog'in,
Peshonamga surtgayman.

NAVOIY BOBOM
Qush tilini o'rganib,
Dunyolarga tanilgan.
"Xamsa" asari bilan,
Hammani lol qoldirgan.
Layli va Majnun dostonini,
Juda yaxshi bilaman.
Sabbai Sayyornichi?
Aytmasangiz ham bo'lar.
Men Navoiy bobomga,
Juda havas qilaman.
Katta bo'lsam albatta,
Navoiy bobomdek bo'laman.
Madad bering bobojon,
Kuch-bilimga to'layin.

TUG'ILGAN KUNINGIZ BILAN
Dunyo turguncha turing deb qolgayman,
Dunyo baxtin men sizga tilagayman.
Ollohdan men doim so'ragayman,
Omon bo'ling, nurga to'ling deb qolgayman.
Tug'ilgan kuningiz muborak bo'lsin,
Shu kunda gina qudrat unutilsin.
Hamma kulsa siz ham doim kulib turing,
Siz doimo baxt-saodat ko'rib yuring.
Ko'zingizning ko'rgani bayram bo'lsin,
Shunday kunda hammaning ko'ngli to'lsin.
Hamma ham shu diyorda baxtli bo'lsin,
Tug'ilgan kuningiz muborak bo'lsin!
Yaqiningiz tabrigini qabul qiling,
Siz doimo kulib yuring, kulib turing.
Nurlar yog'sin doimo yuzingizdan,
Quvonch arimasin ikki qaro ko'zingizdan.

DO'STIM
Do'stim doim mehribon,
Ko'zlarida sehri bor,
Eritadi u qalbni,
Kulgusi olar dardni.
Yaqin bilsam bo'ladi,
Dushman dog'da qoladi.
Charaqlaydi ko'zlari,
Durga tengdur so'zlari.
Do'stimni men har doim,
Asrab-avaylagayman.
Do'stim mening yagonam,
Tanho sirdoshim degayman.