Эгамбердиева Т

Дастурлар бўйича ЮНЕСКОнинг Ўзбекистондаги фаолияти
ТАЪЛИМ
Бирлашган Миллатлар ташкилоти (БМТ) томонидан қабул қилинган «Таълим барча учун» (2000-2015 йиллар), Саводхонлик ўн йиллиги (2002-2013 йиллар) ва Барқарор тараққиёт таълими ўн йиллиги (2004-2015) дастурлари таълим соҳасидаги асосий йўналишлар ҳисобланади. ЮНЕСКО ташкилоти ушбу дастурларни амалга ошириш бўйича етакчи ташкилот деб тайинланган.
Олий таълим (1998 йил, 2009 йил), касб-ҳунар таълими (1999 йил) ва катта ёшдагилар таълими (1997 йил, 2009 йил) бўйича ЮНЕСКО томонидан халқаро анжуманлар ташкил этилган ва махсус тавсияномалар қабул қилинган.
ЮНЕСКО кафедралари

ЮНЕСКО кафедралари дастури 1991 йилда бошланган. Мазкур дастурнинг асосий мақсади - олий таълим муассасаларида махсус тадқиқотларни ривожлантириш ҳамда халқаро миқёсда мазкур фан соҳасида мутахассисларнинг билим ва тажриба алмашинувини қўллаб-қувватлаш. Ҳозирги пайтда, Миллий комиссия қўмагида қуйидаги 10та ЮНЕСКО кафедраси Ўзбекистоннинг олий таълим муассасаларида ташкил этилган:

1. Мирзо Улуғбек номидаги Ўзбекистон Миллий университети қошидаги «Физика ва астрономия» ЮНЕСКО кафедраси (1998 й.);
2. Жаҳон иқтисодиёти ва дипломатия университети қошидаги «Инсон ҳуқуқлари, тинчлик, демократия, бағрикенглик ва халқаро ҳамжиҳатлик» ЮНЕСКО кафедраси (1998 й.);
3. Самарқанд Давлат меъморчилик қурилиш институти қошидаги «Тарихий марказларни сақлаш ва бошқариш» ЮНЕСКО кафедраси (1999 й.);
4. Самарқанд иқтисодиёт ва сервис институти қошидаги «Автоматлашган ахборот технологиялари» номли ЮНЕСКО кафедраси (1999 й.);
5. Низомий номидаги Тошкент Давлат педагогика университети қошидаги «Фуқаролик ва қадриятлар таълими» ЮНЕСКО кафедраси (1999 й.);
6. Тошкент ислом университети қошидаги «Жаҳон динларини қиёсий тадқиқоти» ЮНЕСКО кафедраси (1999 й.);
7. Абу Али ибн Сино номидаги Бухоро Давлат тиббиёт институте қошидаги «Анъанавий тиббиёт» ЮНЕСКО кафедраси (2000 й.);
8. Мирзо Улуғбек номидаги Ўзбекистон Миллий университети қошидаги «Экологик кимё» ЮНЕСКО кафедраси (2003 й.);
9. Камолиддин Беҳзод номидаги Миллий рассомлик ва дизайн институти қошидаги «Санъат бошқаруви ва маркетинги» ЮНЕСКО кафедраси (2004 й.);
10. Тошкентдаги Халқаро Вестминстер университети қошидаги «Билимлар иқтисодиёти» ЮНЕСКО кафедраси (2006 й.).
2008 йилда Тошкент шаҳрида ЮНЕСКО кафедралари мутахассислари учун ўқув машғулотлар ташкил этилди. 9та ЮНЕСКО кафедрасига Миллий комиссия томонидан, ЮНЕСКО қатнашув дастури доирасида, махсус компютер ускуналари тақдим этилди. ЮНЕСКО кафедралари ҳар йили ўз фаолияти бўйича йиллик ҳисоботни Миллий комиссияга тақдим этади ва ушбу ҳисоботлар ЮНЕСКО котибиятига юборилади.