Ёғ-мой маҳсулотлари сифат кўрсаткичлари ва уларнинг метрологик таъминоти

MUNDARIJA

KIRISH 4
1.1. YOG’-MOY ISHLAB CHIQARISHDA APPARATURA-TEXNOLOGIK SXEMASINI TAHLILI 7
1.2. Ishlab chiqarishni metrologik ta’minotini amalga oshirish va o‘lchov vositalarini tanlash aloritmi 12
1.3. Sifat menejmenti tizimi asosida integrirlangan menejment tizimlarining asosiy qoidalari 19
1.4. Tavsiya etilayotgan integrirlangan menejment tizimi modeli doirasida integrirlashning asosiy tamoyillari 23
1.5. Integrirlangan menejment tizimining jarayonli modeli 26
2.1. INTEGRIRLANGAN MENEJMENT TIZIMIGA UMUMIY TALABLAR 31
2.2. Integrirlangan menejmenti tizimi elementlari tuzilmasiga talablar 32
2.3. Menejment tizimlarini integrirlash usullari 42
2.4. Integrirlangan menejment tizimini joriy etish bosqichlari 48
2.5. Integrallashgan menejmenti tizimini ishlab chiqishda funksional modellashtirishni qo‘llash 51
2.6. Funksional modellashtirishni istiqbolli rivojlantirish metodologiyalari 59
2.7. Integrirlangan menejment tizimining natijaviyligini baholash 60
3-Bob. YOG’-MOY MAHSULOTLARINI ISHLAB CHIQARISHDA SIFATINI TA’MINLASH MASALALARI 69
3.1. Yog’-moy mahsulotlarini sifati va xavfsizligini ta’minlash bo‘yicha olib borilayotgan islohatlar 69
3.2. Yog’-moy mahsulotlarini sinflanishi va tarkibiy xossalari 71
3.3. Yog’-moy mahsulotlarini sifat ko‘rchatkichlari va baholash usullari 74
3.4. Yog’-moy mahsulotlarini ishlab chiqarishda sifatni boshqarish tizimlarini joriy etish 79
Foydalanilgan adabiyotlar 91

KIRISH

Dissertatsiya mavzusining asoslanishi va uning dolzarbligi. Bozor iqtisodiyotiga o‘tishda mahsulotlar va xizmatlarning sifati masalasi korxonaning nufuzini, rivojini va ishlab chiqarilayotgan mahsulotlarining raqobatbardoshliligi belgilovchi muhim omil hisoblanadi. Korxona va tashkilotlarda mahsulot sifatini boshqarish tizimli ravishda yo‘lga qo‘yilganligi va sifatni ta’minlash masalalari korxonaning doimiy siyosati darajasida ko‘rilishi bozorda o‘zining muqim o‘rniga ega bo‘lish, strategik hamkorlik va iste’molchilar bilan faoliyat olib borishning garovi sanaladi.
Zamonaviy sharoitda sifat masalalari insoniyatning hayot tarzini, iqtisodiy, ijtimoiy va ekologik xavfsizlik omillari dolzrab ahamiyat kasb etishi bilan bir qatorda bozor iqtisodiyotida va unga o‘tish davrida jamiyat rivojlanishining barqarorligi va iqtisodiy turg‘unligini ta’minlovchi omil tarzida ham ko‘riladi.
Respublikamizda istiqlolning dastlabki yillaridan iqtisodiy islohatlar amalga oshirib kelinmoqda. Iqtisodiyotda mahsulot (jumladan, Yog’-moy mahsulotlari) va xizmatlar sifatini xalqaro standartlar asosida ishlab chiqarish hamda korxona va tashkilotlarda xalqaro standartlarni keng joriy qilish respublikamiz eksport salohiyatini oshirishning muhim va strategik omillaridan biridir.
Iqtisodiyotni rivojlantirish va mahsulot ishlab chiqaruvchi korxonalarning eksport salohiyatini oshirish borasida xalqaro standartlarni joriy qilish bo‘yicha hukumatimiz tomonidan chora va tadbirlar amalga joriy qilinmoqda. O‘zbekiston Respublikasi Vazirlar Mahkamasining 2004-yil 22-iyuldagi 349-sonli «Korxonalarda xalqaro standartlarga muvofiq bo‘lgan sifatni boshqarish tizimlarini joriy etish chora-tadbirlari to‘g‘risida», 2006-yil 29-avgustda 183-sonli va 2009- yilda 173-sonli «Korxonalarda xalqaro standartlarga muvofiq sifatni boshqarish tizimlarini joriy qilish bo‘yicha qo‘shimcha chora-tadbirlar to‘g‘risida» qarorlari shulra jumlasidandir.
Mazkur qarorlar mamlakatimizda ishlab chiqarilgan mahsulotlar va ko‘rsatiladigan xizmatlarning tashqi va ichki bozorlarda raqobatbardoshliligini yanada oshirish, respublikaning eksport salohiyatini kengaytirish maqsadi ko‘zda tutilgan bo‘lib, respublikamizga mustaqillikgacha bo‘lgan davrdagi «hom ashyo bazasi» qarashlariga barham berilishida, O‘zbekistonni paxtachilik, oziq-ovqat mahsulotlari, xalq iste’mol tovarlari ishlab chiqarish sohasida jahondagi nufuzli davlatlar qatoridan o‘rin olishida alohida ahamiyat kasb etadi.