Education in uzbekistan

ДИМЛАМА

Сиз ўзингизнинг ғазабингиз ва жаҳлингизни мажбуран ичга ютасиз ва бутун ҳис-тўйғуларингиз ичингизда тошиб, қайнайверади. Баъзан бировларга истеҳзо ёки таъна билан айтилган сўзлар аслида ичингиздаги оловдан бир нишон, холос. Сизни кўпинча бош оғриқлари, юқори босим касаллиги, юрак ҳуружлари безовта қилиб туради.

Жафокаш

Ҳар қандай таҳкирлаш, истеҳзо ва устингиздан кулишни сиз табиий эътирозсиз қабул қиласиз. Жаҳлдан портлаш ўрнига ўз ғазабингиз кучидан ўзингизни бечорагина қилиб кўрсатишида фойдаланасиз. Сизнинг ҳар доим ўзингизга раҳмингиз келади, шу билан бошқаларнинг раҳм ва шавқатидан фойдаланасиз. Ана шу раҳм-шавқат асосида одамларни ўз манфаатларингизга бўйсундиришга ҳаракат қиласиз. Сиз учун раҳм-шавқат гиёҳванд моддадай зарур, сиз учун ўзингизни муҳтож, қийналган, азобланган, жафокаш қилиб кўрсатиш ҳаётий мақсад ва муддаоингиздир.

СНАЙПЕР

Дўстларингиз ичида энг қизиққони – снайпер бўлади. Гўгурт ёнгандай бир пастда ловиллаб кетади. Сиз кимнидир қаттиқ ҳафа қилиб, қўполлик қилишингиз ҳамда шу заҳоти ўша одамни қучоқлаб, биргаликда ўтиришга таклиф этишингиз мумкин. Жаҳлингиз қандай тез чиққан бўлса, шундайин тез жаҳлингиздан тушусиз, ҳамда нима учун жахлингиз чиққанлиги сабабини эслай олмайсиз. Аммо сизнинг қалбингиз тоза, кек сақлаб юрмайсиз, кечиримлисиз.

БАТУТ

Агар кимдир Сиз сабабли ғазабланса, сиз унга ана шундай ғазаб билан жавоб беришга ҳаракат қиласиз. Агар сизга опангиз бақиряпган бўлса, сиз бирин-кетин опангизнинг ҳамма қилган ёмонликларни эслай бошлайсиз. Сиз ўзингизнинг ҳафагарчилигингизни бировни ҳафа қилиш орқали босиб кетмоқчи бўласиз. Сиз «жонга жон, танга тан» усулидан фойдаланасиз.

Силсила ёки занжир реакция

Агар Сизни ҳафа қилишаётган бўлса, сиз аввало ким ҳафа қилаётганлигига қарайсиз. Агар у сизнинг бошлиғингиз, қайнонангиз ёки бирор каттакон бўлса жаҳлингизни ютасиз, уларга жавоб қайтармайсиз. Аммо кўнглингизда сақланган тўйғулар ташқарига ошиқади. Шу боис сиз ўзингизга тобе бўлган одамга бутун заҳрингизни сочасиз. У эса ўз навбатида ё хотинига, ё ўғлига, жуда бўлмаса, қўшнининг мушугига ўз ғазабини ёғдиришга ҳаракат қилади. Онангиз - сизга, сиз синглингизга, синглингиз қўшнининг итига, ит эса, ўз ўрнида онангизга ҳамла қилади.