Э. ҚОсимов, М. Aкбaров пaрдозбоп қурилиш aшёлaри

Меъмор ва пардозловчи мутахассисларнинг полимер ашёларни такомиллаштиришдаги фикри. Пластмасса ашёлари билан ишлайдиган меъмор ва пардозловчи мутахассислар улар учун зарур хусу­сиятларни бериш имкониятига эга. Меъмор нафақат имкониятга эга, балки уларнинг талаб қилинадиган хусусиятларига буюртма бериши ҳам мумкин.
Ҳозирги кунда, асосан фунционал, иқтисодий, эстетик ва бошқа талаб кўрсаткичларига эга бўлган ашёларга талаб каттадир. Шундай йўлдан меъмор ва қурувчилар ҳам бориши керак. Бунинг учун меъморлар ашёларнинг хусусиятлари мужассам­ланган дастур мажмуаларини ишлаб чиқиш, барча ашёларнинг сифат кўр­саткичлари математик формулаларини билиши зарур. Бу масала жуда қийин, уни ечиш учун барча фан соҳаларидаги мутахассисларни жалб қилиш керак бўлади. Шунинг учун, меъморлар ашёшунослик билан боғлиқ бўлган барча муам­моларни олдиндан билиши талаб қилинади.
Юқорида таъкидланганидек замонавий қурилиш амалиётида пардозбоп ва конструктив пластмассалар кенг қўлланилмоқда. Шунинг учун ҳам, намунавий (эталон) пардозбоп ашёларни яратишда меъмор ва рассомларнинг иштироки давр талабидир.
Яратилган юзлаб илмий-техник ишланмалар — қопловчи ва акустик ашёлар, линолеум, қоплама, гул қоғоз ва бошқа янги турдаги расмлар, намуна сифатида ишлаб чиқаришга татбиқ этилмоқда.
Барча енгиллаштирилган конструкцияларни ишлаб чиқаришнинг замонавий усуллари 4 тага ажратилиши мумкин: механик, елимлаш, комбинациялашган ва пайвандлаш.
Механик бириктиришга болтли, михли, парчинлаш ва ўзини қайд қилиш усуллари киради.
Елимлашга ажратилмайдиган конструкциялар учун қўлланилади.
Комбинациялашган усулдаги бириктиришга болт ва елим ёрдамидаги бириктириш ва шу кабилар киради.
Пайвандлаш ҳам елимлаш каби бириктириш усулига киради.
Пластмассанинг келажакдаги истиқболини амалга ошириш учун ҳар бир меъмор, пардозловчи мутахассис қуйида ёритилган барча пластмасса хилларининг келиб чиқиши, ишлаб чиқариш техноло­гияси, хоссалари ва уларнинг ишлатилишига доир маълумотлардан хабардор бўлиши керак.