Э. ҚОсимов, М. Aкбaров пaрдозбоп қурилиш aшёлaри

полимерлар


Фенолформалдегид смолалари (ФФС) тошкўмир, табиий газ, сув ва ҳаводан олинган фенол билан формалдегидни ишлаб олинади. Формалдегид — газ, аммо у 37—40% ли эритма (формалин) сифатида ишлатилади. Фенолформалдегид зичланган пардозбоп ёғоч қирин­дили ва ёғоч толали плиталар, қатламли пластиклар, дераза ромлари, архитектура буюмлари, электротехник асбоблар ишлаб чиқаришда, сувга чидамли фанерлар олишда ва ёғоч конструкцияларини елимлашда кўп ишлатилади.
Мочевина-формалдегид (карбамид) смолалари асосида амино­пласт олинади. Aминопластлар қиздириб зичлаш йўли билан олинадиган буюмлар учун жуда қулай термореактив полимердир. Қотган карбамид смоласи киши организми учун зарарсиз бўлганлиги учун, улардан идиш-товоқ, электр буюмлари, қошиқ, ваза, чўмич сингари буюмлар тайёрланади. Техникада эса амино­пластлардан оқ ва рангли телефон аппаратлари корпуслари, эшик бандлари, стол лампаси корпуслари тайёрланади. Бинокорликда қўл­ланиладиган 150150 мм ўлчамли қоплама плиталар шу амино­пластлардан ишланади. Карбамид смолалар кўмир, ҳаводаги азот ва кислород, табиий газ ва оҳактошни куйдирганда ажралиб чиқадиган ангидрид газини қайта ишлаб олинган мочевина ва формалдегиддан олинади. Карбамид смолалар рангсиз, арзон, иссиқликни муҳофаза­ловчи енгил пластмассалар, ҳамда қатламли пластик ва елимлар ишлаб чиқаришда ишлатилади.
Полиефир смолалар 3 гуруҳга бўлинади:
Aлкид ва глифтал смолалар. Бунда хомашё сифатида глицерин билан фтал кислота ишлатилади. Ундан, асосан, лак сифатида фойдаланилади.
Тола ҳосил қилувчи полимерлар асосида юқори кристаллик тола —лавсан олиш мумкин. Лавсан жуда мустаҳкам тола бўлиб, уни чўзилишдаги мустаҳкамлиги 800 МПа га тенг.
Тўйинмаган полиефирлар бошқа мономер суюқликлар билан (масалан, стирол) осон аралашади ва босимсиз, ҳарорациз қотади­ган, кукун тўлдиргичлар билан юқори мустаҳкам смола ҳосил қилади. Бундай смолага шимдирилган шиша тўқималарини, шиша ва жун наматларини зичлаш ёки бошқа усул билан қайта ишлаб, самолёт, вагон, автомашина ва бино хоналарининг айрим қисмла­рини пардозлашда ишлатиладиган буюмлар олинади.
Қурилишда полиефир смолалар билан ишланган томбоп, нур ўтказувчан, енгил пардозбоп шиша пластинкалар, сантехник буюмлар кўп ишлатилмоқда.