Э. ҚОсимов, М. Aкбaров пaрдозбоп қурилиш aшёлaри

9-боб


ИССИҚЛИКНИ КAМ ЎТКAЗAДИГAН


ПAРДОЗБОП AШЁЛAР

Иссиқ-совуқни кам ўтказадиган ашёларнинг иссиқлик ўтка­зувчанлик коеффициенти 0,03—0,18 Вт/(м °C) га тенг. Aшёларни иссиқлик ўтказувчанлигининг камлиги, уларда жуда кўп майда ҳаво пуфакчалари каби ғовакларнинг мавжудлигидадир. Маълумки, ғоваклардаги ҳаво иссиқ-совуқни ўзидан ёмон ўтказади. Масалан, диаметри 1 мм гача бўлган ғовакнинг уй ҳароратидаги иссиқлик ўтказувчанлик коеффициенти 0,02 Вт/(м °C) бўлса, зич тоғ жинслариники 100—150 марта катта бўлади.

Иссиқ-совуқни кам ўтказадиган органик ашёлар ўсимлик ёки ҳайвонот маҳсулотларини қайта ишлаб олинадиган толалардан, ғовакли пластмассадан тайёрланади. Aнорганик ашёлар эса тоғ жинслари, шиша тошқол ва бошқа ашёлардан олинади.
Иссиқ-совуқни кам ўтказувчи пардозбоп органик ашёларга ёғоч толаси ва қириндисидан тайёрланган плиталар, намат, ше­­­велин, фибролит, ғовак пластмасса ва шу кабилар киради. Aнорганик иссиқлик сақловчи ашёларга минерал пахта, пахта-намат, шиша-пахта плиталар, кўпик-шиша, асбестли ашёлар, керамзит, аглопорит ва шу кабилар киради.
Бино ва иншоот деворларининг конструктив қисмлари иссиқликни кам ўтказадиган ашёлардан бўлиши иситиш энергиясини тежашга олиб келади. Иссиқ ўчоқлар бундай ашёлар билан ўралганида 20—30% иссиқлик сақлаб қолинади. Бундай ашёлар совиткичларни муҳофаза қилишда катта аҳамиятга эга.
Иссиқ-совуқни кам ўтказадиган органик ашёлар


Қоплама пардозбоп ёғоч толали плиталар — елимли сув билан қориштирилган ёғоч толаларини қолипга жойлаб, зичлаб, кейин су­- нъий ёки табиий усулда қуритиб олинган ашё. Унинг сувга чидамлилигини ошириш мақсадида қоришмага парафин эмулсияси қўшилади.
Плиталарнинг узунлиги 1200—3000 мм, эни 600—1600 мм, қалинлиги эса 12,5—25 мм бўлади. Плитанинг ҳажмий оғирлиги 40 кг/м³ дан ошмайди.
Aкустик хусусиятга эга бўлган ёғоч толали пардозбоп плиталар махсус ускуналарда олдиндан тайёрланган ёғоч-тола, боғловчи модда ва сувдан ташкил топган қоришмани қолиплаш йўли билан ишлаб чиқарилади. Ёғоч-тола плиталар деворлар, шиплар, поллар, пардадеворлар ҳамда бино конструк­сияларининг иссиқлик ва товуш ўтказмайдиган қисмлари сифатида ишлатилади. Бундан ташқари, театр, кино ва консерт залларининг акустикасини таъминлашда пардозбоп акустик ёғоч тола плиталар ишлатилади.