Е. Б. Бабский, А. А. Зубков, Г. И. Косицкий, Б. И. Ходоров

Стереотаксис техникаси
Электродлар, микропипеткалар, миниатюра ҳолидаги термопаралар ва бошқа микроасбобларни ичкарида ётган мия структураларига аниқ киритиш учун стереотаксис техникаси татбиқ этилади. У нейрофизиологик тадқиқотларнинг имкониятларини анча кенгайтириб юборади.
Стереотаксис методикаси бош миядаги турли структураларнинг калладаги муайян қисмларга нисбатан жойлашувини батафсил анатомик текширишга асосланади. Мия структураларининг локализацияси уч координатали махсус системада ифодаланади, шу системадан фойдаланиб, айрим нерв марказларининг фазодаги ўрни аниқланади. Методиканинг номи грекча стереос (ҳажмли) ва таксис (жойлашув) сўзларидан олинган. Методикани анатом Д. М. Зернов биринчи марта 1889 йилдаёқ таклиф этган, сўнгра уни нейрохирург В. Хорслей ва инженер Р. Қларк, улардан кейин эса С. Ренсон мукаммал ишлаб чиққан.

224-расм. Мушук калласини Хорслей—Кларк методида стереотаксис асбобига ўрнатиш схемаси.
Чизиқлар: асосий горизонтал текислик — АА га; нулевой горизонтал текислик -ОО га- нулевой фронтал текислик — ВВ га; нулевой сагиттал текислик— SS га мос келади- V — тепа суякдан нулевой горизонтал текисликкача бўлган масофа; AP — кўз косасининг пастки чеккасидан ташқи этишув йўлининг марказигача бўлган масофа; IА — қулоқ тутқичларнинг учлари ўртасидаги масофа.

Стереотаксис методикасидан фойдаланганда ҳайвоннинг боши махсус аппаратда маҳкам ушлаб турилади, айни вақтда ташқи эшитув йўлларининг марказлари ва кўз косалари четларининг пастки нуқталари орқали ўтувчи горизонтал текислик стереотаксис асбобининг ўқига параллел бўлади. Бу текислик стереотаксис координаталарини ҳисоблаб берадиган асосий горизонтал текислик, деб аталади. Кўпинча, амалий мулоҳазалар билан, ҳисобларда асосий текисликдан 10 мм юқорироқдаги нулевой горизонтал текисликдан фойдаланишади (224-расм). Нулевой фронтал текислик ташқи эшитув йўлларининг марказларини бирлаштирувчи чизиқ бўйлаб горизонтал текисликка қатъиян тик равишда ўтади. Нулевой сагиттал текислик калланинг ўрта сагиттал чизиғи бўйлаб горизонтал ва фронтал текисликларга тик равишда ўтади.

Турли ҳайвонлардаги мия структураларининг координаталари махсус стереотаксис атласларида аниқ кўрсатилган. Шу координаталарга мувофиқ, злектрод ёки бошқа микроасбобни мустаҳкамлаб турувчп манипулятор ёрдамида микрометрик винтлардан фойдаланиб миянинг текширилаётган нуқтасига киритилади.
Стереотаксис техникаси ҳозир нейрохирургия клиникасида операция вақтида ҳам қўлланилади. Бу операцияда бемор бош миясининг муайян қисмидаги патологик очагни емириш учун электродлар киритишга тўғри келади.