Дядя Горгудун мязар йери щаггында

Milli Öndər “Kitabi-Dədə Qorqud”u türk mədəniyyətinin dünya sivili­za­siyasına verdiyi böyük töhfə kimi səciyyələndirirdi: “Kitabi-Dədə Qorqud”un son üç ildə tədqiq, təbliğ olunması Azərbaycan xalqına çox böyük faydalar verdi. Biz öz tarixi köklərimizi, milli-mədəni irsimizi bir daha dərk etməyə başladıq. Artıq biz dərk edirik ki, Azərbaycan xalqı, bütün türkdilli xalqlar dünya sivilizasiyasına nə qədər böyük töhfələr vermişlər. Bunların içərisində “Kitabi-Dədə Qorqud”un xüsusi yeri vardır”.

Milli Öndər “Kitabi-Dədə Qorqud”u ana kitabımız adlandırırdı: “Kitabi-Də­də Qorqud” bizim ana kitabımızdır. Dədə Qorqud bizim ulu babamızdır, əcdadımızdır. Biz fəxr edirik ki, “Kitabi-Dədə Qor­qud” kimi tarixi abidəmiz vardır, fəxr edirik ki, “Kitabi-Dədə Qorqud” kimi ulu əcdadımız var­dır”.

Milli Öndər “Kitabi-Dədə Qorqud”u milli birlik və sülh kitabı kimi səciy­yə­ləndirirdi: “Kitabi-Dədə Qorqud” xalqları, millətləri daim birliyə, sülhə dəvət edibdir. 1992-ci ildə Türkdilli Dövlətlər Birliyinin yaranması Dədə Qorqud və­siyyətlərinin yerinə yetirilməsinin parlaq nümunəsidir.Biz dövlət müstə­qilliyimizi əldə edəndən, milli azadlığımıza çatandan sonra bu birliyin təmin olunması üçün böyük imkanlar əldə etmişik və bu birliyin bizim xalq­larımız üçün nə qədər əhəmiyyətli olduğunu dərk etmişik”.

Milli Öndər “Kitabi-Dədə Qorqud”u milli həmrəylik qaynağı kimi xarak­te­rizə edirdi: “Kitabi-Dədə Qorqud”un birliyə cağırışı bu gün hər birimiz üçün la­zım­dır. Dövlət müstəqilliyi yolu ilə gedən ölkədə, hüquqi, demokratik, dün­yəvi dövlət quruculuğu aparan Azərbaycanda milli birlik, milli həmrəylik hər şeydən vacibdir”.

Milli Öndər bu möhtəşəm abidəni qəhrəmanlıq dastanı kimi dəyərlən­dirir­di: “Kitabi-Dədə Qor­qud” qəhrəmanlıq dastanıdır. Biz “Kitabi-Dədə Qorqu­d”un vəsiyyətlərindən bu gün həyatımızda is­ti­fa­də edərək, xalqımızda vətənə məhəbbət, sevgi, sədaqət, vətənpərvərlik hisslərini daha da artırırıq. “Kitabi-Dədə Qorqud” bu gün bizə çox gərəklidir”.